Футбол бўйича Евро—2020 мусобақаси саралаш босқичи 7-тури доирасида 11 октябрь, жума куни гуруҳларда бир қанча учрашувлар ниҳоясига етди.
«А» гуруҳидан ўрин олган баҳсда Гарет Саутгейт қўл остидаги Англия терма жамоаси сафарда Чехия термасига қарши майдонга тушди.
Беллашув давомида Англия термаси ҳужумчиси Ҳарри Кейн (5)нинг пенальтидан урган голига мезбонлар Якуб Брабец (9) ҳамда Зденек Ондрашек (85)нинг голлари билан жавоб қайтарди.
Шу тариқа англияликлар меҳмонда кечган баҳсда Чехияга 1:2 ҳисобида имкониятни бой бериб қўйди ва очко йўқотди.
Маълумот учун, Англия 12 очко жамғарган ҳолда гуруҳда етакчилик қилмоқда. Чехия эса худди шунча очко йиғиб иккинчи ўринда бормоқда.
«А» гуруҳидаги ҳолат:
Фернанду Сантуш бошқарувидаги Португалия терма жамоаси ўз майдонида Люксембургни синовдан ўтказди.
Ўйинда Португалия вакиллари Бернарду Сильва (16), Криштиану Роналду (65) ва Гонсалу Гедеш (89) ўз номига биттадан гол ёздириб қўйди.
Натижада португалияликлар Люксембург дарвозасига жавобсиз 3 та гол уриб, муҳим 3 очкога эга бўлди.
Мазкур ғалабадан сўнг Португалия 11 очко тўплаб «B» гуруҳида 2-ўринни банд қилиб турибди. 4-ўринда бораётган Люксембург ҳисобида эса 4 очко мавжуд.
«B» гуруҳидаги вазият:
Шу куни «H» гуруҳида Дидье Дешам бошлиқ амалдаги Жаҳон Чемпиони Франция терма жамоаси меҳмонда Исландия термаси билан баҳсга киришди.
Учрашувдаги ягона гол 66-дақиқада пенальтидан урилди. Унга франциялик ҳужумчи Оливье Жиру муаллифлик қилди.
Шу тариқа Франция меҳмонда Исландиядан кичик ҳисобда устун келди (1:0).
Қайд этиш жоиз, Франция термаси 18 очко билан гуруҳда 2-ўринни эгаллаб турибди. Унда кейинги ўринда бораётган Исландия эса 12 очко жамғарган.
«H» гуруҳидаги ҳолат:
Евро—2020
Саралаш босқичи
7-тур баҳслари
11 октябрь, жума
«А» гуруҳи
Чехия—Англия 2:1
Голлар: 0:1 — 5, пенальти Кейн, 1:1 — 9 Брабец, 2:1 — 85 ОндрашекЧерногория—Болгария 0:0
«B» гуруҳиПортугалия—Люксембург 3:0
Голлар: 1:0 — 16 Бернарду Сильва, 2:0 — 65 Роналду, 3:0 — 89 ГедешУкраина—Литва 2:0
Голлар: 1:0 — 29 Малиновский, 2:0 — 58 Малиновский«H» гуруҳи
Андорра—Молдова 1:0
Гол: 1:0 — 63 ВалесИсландия—Франция 0:1
Гол: 0:1 — 66, пенальти ЖируТуркия—Албания 1:0
Гол: 1:0 — 90 ТосунЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)