Футбол бўйича Европа Чемпионлар Лигасининг 2-тури доирасида 2 октябрь, чоршанба куни гуруҳларда бир қанча учрашувлар бўлиб ўтди.
«E» гуруҳидан ўрин олган баҳсда Юрген Клопп қўл остидаги «Ливерпуль» ўз майдонида Австриянинг «Зальцбург» жамоасини синовдан ўтказди.
Беллашув давомида «қизиллар» вакиллари Садио Мане (9), Эндрю Робертсон (25) ҳамда Муҳаммад Салоҳ (36, 69) рақиб дарвозасини ишғол қилган бўлса, меҳмонлардан Хван Хи Чхан (39), Такуми Минамино (56) ва Эрлинг Ҳоланд (60) биттадан голга муаллифлик қилди.
Шу тариқа «Ливерпуль» ўз уйида кечган баҳсда «Зальцбург»ни 4:3 ҳисобида мағлуб этди ва 3 очкога эга бўлди.
Мазкур ғалабадан сўнг Клопп жамоаси очколари сонини 3 тага етказиб олди ва гуруҳ жадвалида 2-ўринга кўтарилиб олди. «Зальцбург» эса худди шунча очко билан 3-ўринда бормоқда.
Шу куни турнинг марказий беллашувларидан бирида Эрнесто Вальверде бошқарувидаги Каталониянинг «Барселона» клуби «Камп Ноу»да Антонио Конте бошлиқ Миланнинг «Интер» жамоаси билан баҳсга киришди.
Ўйиннинг 3-дақиқасидаёқ Милан клуби ҳужумчиси Лаутаро Мартинес Алексис Санчес узатмасини голга айлантирди (1:0). 58 ва 84-дақиқаларда эса «кўк-анорранглилар» аъзоси Луис Суарес 2 бор «нерадзуррилар» дарвозасига гол урди (2:1).
Натижада каталонияликлар ўз уйида «Интер»ни кичик 2:1 ҳисобида мағлубиятга учратди ва муҳим 3 очкони қўлга киритди.
Қайд этиш жоиз, «Барселона» 4 очко жамғарган ҳолда «F» гуруҳида 2-ўринни банд қилиб турибди. «Интер» эса 1 очко билан сўнгги ўринни эгаллаб турибди.
«H» гуруҳида эса Фрэнк Лэмпард бошчилигидаги Лондоннинг «Челси» клуби сафарда «Лилль»га қарши майдонга тушди.
Учрашувнинг 22-дақиқасида «аристократлар» ҳужумчиси Тэмми Абраҳам Фикайо Томори узатган тўпни рақиб дарвозасига жойлаб қўйган бўлса, 33-дақиқага келиб «Лилль» вакили Виктор Осимхен ҳисобни тенглаштирди (1:1). 78-дақиқада эса бразилиялик Виллиан жамоасини ҳисобда олдинга олиб чиқди.
Шу тариқа ўйин 2:1 ҳисобида лондонликлар фойдасига якунланди.
Маълумот учун, «Челси» 3 очко тўплаб «H» гуруҳида 3-ўринда бормоқда. Охирги ўринни эгаллаб турган «Лилль» эса бирорта ҳам очко йиға олмади.
ЕЧЛ
2-тур баҳслари
2 октябрь, чоршанба
«E» гуруҳи
«Генк»—«Наполи» 0:0
«Ливерпуль»—«Зальцбург» 4:3
Голлар: 1:0 — 9 Мане, 2:0 — 25 Робертсон, 3:0 — 36 Салоҳ, 3:1 — 39 Хван Хи Чхан, 3:2 — 56 Минамино, 3:3 — 60 Ҳоланд, 4:3 — 69 Салоҳ«F» гуруҳи
«Славия Прага»—«Боруссия Д» 0:2
Голлар: 0:1 — 35 Ҳакими, 0:2 — 89 Ҳакими«Барселона»—«Интер» 2:1
Голлар: 0:1 — 2 Мартинес, 1:1 — 58 Суарес, 2:1 — 84 Суарес«G» гуруҳи
«Зенит»—«Бенфика» 3:1
Голлар: 1:0 — 21 Дзюба, 2:0 — 70, автогол Рубен Диаш, 3:0 — 78 Азмун, 3:1 — 85 де Томас«Лейпциг»—«Лион» 0:2
Голлар: 0:1 — 11 Депай, 0:2 — 65 Терье«H» гуруҳи
«Лилль»—«Челси» 1:2
Голлар: 0:1 — 22 Абраҳам, 1:1 — 33 Осимхен, 1:2 — 77 Виллиан«Валенсия»—«Аякс» 0:3
Голлар: 0:1 — 8 Зиёш, 0:2 — 34 Промес, 0:3 — 67 ван де БекЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)