Футбол бўйича Англия Премьер лигасининг 7-тур мазказий ўйинида 30 сентябрь, душанба куни Оле-Гуннар Сульшер қўл остидаги «Манчестер Юнайтед» «Олд Траффорд» стадионида Унаи Эмери бошқарувидаги Лондоннинг «Арсенал» клуби билан баҳсга киришди.
Учрашувнинг 45-дақиқасида «манкунианлар» ярим ҳимоячиси Скотт Мактоминай Маркус Рэшфорд узатмасини голга айлантирган бўлса, 58-дақиқага келиб «тўпчилар» ҳужумчиси Пьер-Эмерик Обамеянг ҳисобни тенглаштирди.
Шу тариқа беллашув 1:1 ҳисобида якунланди ва томонлар бир очкодан бўлишиб олди.
Ушбу турдан сўнг Сульшер шогирдлари очколари сонини 9 тага етказиб, мусобақа жадвалида 10-ўринга кўтарилиб олди. «Арсенал» эса 12 очко билан 4-ўринни эгаллаб турибди.
7-турдан сўнг мусобақа жадвалидаги вазият:
АПЛ
7-тур баҳси
30 сентябрь, душанба
«Манчестер Юнайтед»—«Арсенал» 1:1
Голлар: 1:0 — 45 Мактоминай, 1:1 — 58 Обамеянг«Манчестер Юнайтед»: Де Хеа, Магуайр, Туанзебе, Янг, Линделеф, Перейра (Гринвуд, 74), Мактоминай, Жеймс, Погба, Лингард (Фред, 74), Рэшфорд
«Арсенал»: Лено, Чемберс, Папастатопулос, Давид Луиз, Колашинац, Гундузи, Жака, Торрейра (Себальос, 55), Пепе (Нелсон, 74), Обамеянг, Сака (Уиллок, 80)
Огоҳлантиришлар: Чемберс (10), Рэшфорд (27), Перейра (32), Янг (41), Лингард (68), Жака (77)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)