Футбол бўйича Испания Ла Лигасининг 7-тури доирасида 28 сентябрь, шанба куни 4 та учрашув якунланди.
Эрнесто Вальверде бошчилигидаги Каталониянинг «Барселона» клуби сафарда «Хетафе»ни синовдан ўтказди.
Беллашувнинг 41-дақиқасида «кўк-анорранглилар» ҳужумчиси Луис Суарес Марк-Андре тер Штеген узатмасини голга айлантирган бўлса, 49-дақиқага келиб испаниялик Хуниор Фирпо ҳисобни 2:0 кўринишига олиб келди.
Шу тариқа каталонияликлар жорий мавсум илк маротаба меҳмонда кечган баҳсда ғалабага эришди ва муҳим 3 очкога эга бўлди.
Қайд этиш жоиз, «Барселона» 13 очко жамғарган ҳолда мусобақа жадвалида 4-ўринга кўтарилиб олди. «Хетафе» эса 7 очко билан 11-ўринни эгаллаб турибди.
Шу куни Мадрид дербисида Диего Симеоне қўл остидаги «Атлетико» Зинедин Зидан бошлиқ «Реал» билан баҳсга киришди.
Ўйин давомида дарвозалар дахлсизлиги сақланиб қолинди ва жамоалар бир очкодан бўлишиб олди.
Ушбу турдан сўнг «Қироллик клуби» 15 очко тўплаб, мусобақа жадвалида етакчиликни ўз қўлига олди. «Матрасчилар» эса 14 очко билан кучли учталикка кирди.
Ла Лига
7-тур баҳслари
28 сентябрь, шанба
«Атлетик»—«Валенсия» 0:1
Гол: 0:1 — 27 Черишев«Хетафе»—«Барселона» 0:2
Голлар: 0:1 — 41 Суарес, 0:2 — 49 Фирпо«Гранада»—«Леганес» 1:0
Гол: 1:0 — 28 Пуэртас«Атлетико»—«Реал» 0:0
«Атлетико»: Облак, Триппьер, Лоди (Лемар, 61), Савич, Хименес, Витоло (Корреа, 46), Коке, Сауль, Томас, Жоау Феликс (Льоренте, 70), Диего Коста«Реал»: Куртуа, Рамос, Карвахаль, Варан, Начо, Каземиро, Вальверде (Модрич, 68), Бэйл, Кроос, Азар (Хамес, 77), Бензема (Йович, 88)
Огоҳлантиришлар: Начо (22), Варан (69), Томас (90)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)