Футбол бўйича Англия Премьер Лигасининг 7-тури доирасида 28 сентябрь, шанба куни 7 та учрашув якунланди.
Фрэнк Лэмпард қўл остидаги Лондоннинг «Челси» клуби «Стемфорд Бриж»да «Брайтон»ни қабул қилди.
Беллашувнинг 50-дақиқасида «аристократлар» ярим ҳимоячиси Жоржиньо пенальтидан гол урган бўлса, 76-дақиқага келиб бразилиялик Виллиан ҳисобни 2:0 кўринишига олиб келди.
Шу тариқа «Челси» ўз уйида «Брайтон»ни 2:0 ҳисобида мағлубиятга учратди ва муҳим 3 очкони қўлга киритди.
Мазкур ғалабадан сўнг, «кўклар» очколари сонини 11 тага етказиб мусобақа жадвалида 6-ўринга кўтарилиб олди. «Брайтон» эса 6 очко билан 16-ўринни банд қилиб турибди.
Шу куни Маурисио Почеттино бошлиқ Лондоннинг бошқа бир клуби «Тоттенҳэм» ўз майдонида «Саутҳэмптон» билан баҳсга киришди.
Ўйиннинг 24-дақиқасида «шпорлар» ярим ҳимоячиси Танги Ндомбеле Сон Ҳён Мин узатмасини голга айлантирган бўлса, 39-дақиқага келиб «Саутҳэмптон» ҳужумчиси Дэнни Ингз ҳисобни тенглаштирди. Орадан 4 дақиқа ўтиб Лондон клуби еткачиси Ҳарри Кейн жамоасини ҳисобда олдинга олиб чиқди (2:1).
Баҳс якунига қадар ҳисоб ўзгармади ва «Тоттенҳэм» ғалаба қозониб, 3 очкога эга бўлди.
Маълумот учун, «Тоттенҳэм» 11 очко билан 4-ўринда бормоқда. 14-поғонадан жой олган «Саутҳэмптон» ҳисобида эса 7 очко мавжуд.
Хосеп Гвардиола бошқарувидаги «Манчестер Сити» меҳмонда «Эвертон»ни сиовдан ўтказди.
Учрашув давомида «манкунианлар» аъзолари Габриэль Жезус (24), Рияд Маҳрез (71) ва Раҳим Стерлинг (84) ўз номига биттадан гол расмийлаштириб қўйган бўлса, мезбон жамоадан Доминик Кэлверт-Льюин ҳам битта голга муаллифлик қилди.
Ўйин якунига кўра, «шаҳарликлар» меҳмонда кечган баҳсда «Эвертон»ни 3:1 ҳисобида мағлубиятга учратди.
Қайд этиш жоиз, «Манчестер Сити» 16 очко жамғарган ҳолда мусобақа жадвалида 2-ўринда бормоқда. «Эвертон» эса 7 очко билан 15-ўринни эгаллаб турибди.
АПЛ
7-тур баҳслари
28 сентябрь, шанба
«Астон Вилла»—«Бёрнли» 2:2
Голлар: 1:0 — 33 ал-Ғози, 1:1 — 68 Родригес, 2:1 — 79 Макгинн, 2:2 — 81 Вуд«Борнмут»—«Вест Ҳэм» 2:2
Голлар: 0:1 — 10 Ярмоленко, 1:1 — 17 Кинг, 2:1 — 46 Уилсон, 2:2 — 74 Крессуэлл«Челси»—«Брайтон» 2:0
Голлар: 1:0 — 50, пенальтиЖоржиньо, 2:0 — 76 Виллиан«Кристал Пэлас»—«Норвич» 2:0
Голлар: 1:0 — 21, пенальти Миливоевич, 2:0 — 90 Таунсенд«Тоттенҳэм»—«Саутҳэмптон» 2:1
Голлар: 1:0 — 24 Ндомбеле, 1:1 — 39 Ингз, 2:1 — 43 Кейн«Вулверҳэмптон»—«Уотфорд» 2:0
Голлар: 1:0 — 18 Доэрти, 2:0 — 61, автогол Янмат«Эвертон»—«Манчестер Сити» 1:3
Голлар: 0:1 — 24 Габриэль Жезус, 1:1 — 33 Кэлверт-Льюин, 1:2 — 71 Маҳрез, 1:3 — 84 СтерлингЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)