14 сентябрь, шанба куни футбол бўйича Германия Бундеслигасининг 4-тури доирасида 6 та ўйин бўлиб ўтди.
Люсьен Фавр бошқарувидаги Дортмунднинг «Боруссия» клуби ўз майдонида «Байер»ни синовдан ўтказди.
Учрашув давомида «арилар» ярим ҳимоячиси Марко Ройс (50, 90) дублга эришган бўлса, Пако Алькасер (28) ҳамда Рафаэл Геррейру (83) ўз номига биттадан гол ёздириб қўйди.
Натижада «Боруссия Дортмунд» «Байер»ни йирик 4:0 ҳисобида мағлубиятга учратди.
Ушбу ғалабадан сўнг дортмундликларнинг очкоси 9 тага етди ва жамоа мусобақа жадвалида 2-ўринни эгаллаб турибди. 6-ўринда бораётган «Байер» ҳисобида эса 7 очко мавжуд.
Шу куни Нико Ковач бошлиқ Мюнхеннинг «Бавария» клуби сафарда «Лейпциг» билан баҳсга киришди.
Тўқнашувнинг 3-дақиқасидаёқ «қизиллар» ҳужумчиси Роберт Левандовски ҳисобни очган бўлса, 45-дақиқага келиб мезбон жамоа ярим ҳимоячиси Эмиль Форсберг пенальтидан унумли фойдаланиб, ҳисобни тенглаштирди (1:1).
Шу тариқа «Бавария» меҳмонда «Лейпциг» билан дуранг натижа қайд этди.
Маълумот учун, Мюнхен клуби 8 очко жамғарган ҳолда мусобақа жадвалида 3-ўринни банд қилиб турибди. «Лейпциг» эса 10 очко билан етакчига айланди.
Бундеслига
4-тур баҳслари
13 сентябрь, жума
«Фортуна Д»—«Вольфсбург» 1:1
Голлар: 1:0 — 16 Гиссельманн, 1:1 — 29 Вегорст14 сентябрь, шанба
«Боруссия Д»—«Байер» 4:0
Голлар: 1:0 — 28 Пако Алькасер, 2:0 — 50 Ройс, 3:0 — 83 Геррейру, 4:0 — 90 Ройс«Майнц»—«Ҳерта» 2:1
Голлар: 1:0 — 40 Квайсон, 1:1 — 83 Груйич, 2:1 — 88 Сен-Жюст«Аугсбург»—«Айнтрахт Ф» 2:1
Голлар: 1:0 — 35 Рихтер, 2:0 — 43 Нидерлехнер, 2:1 — 73 Пасиенсия«Кёльн»—«Боруссия М» 0:1
Гол: 0:1 — 14 Плеа«Унион Берлин»—«Вердер» 1:2
Голлар: 0:1— 5, пенальти Классен, 1:1 — 14, пенальти Андерссон, 1:2 — 55 Фюллькруг«Лейпциг»—«Бавария» 1:1
Голлар: 0:1 — 3 Левандовски, 1:1 — 45, пенальти ФорсбергЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)