Футбол бўйича Евро—2020 мусобақаси саралаш босқичи 5-тури доирасида 5 сентябрь, пайшанба куни гуруҳларда бир нечта учрашув бўлиб ўтди.
«Д» гуруҳида Кристиан Эриксен етакчилигидаги Дания терма жамоаси Гибралтар термаси билан баҳсга киришди.
Беллашув давомида меҳмон жамоа вакиллари Роберт Сков (6), Эриксен (34—пенальти, 50—пенальти), Томас Дилэйни (69) ҳамда Кристиан Гюткьяер (73, 78) томонидан урилган голлар Даниянинг Гибралтар устидан йирик 6:0 ҳисобидаги ғалабасини таъминланди.
Мазкур ўйиндан сўнг данияликлар очколари сонини 8 тага етказиб, гуруҳ жадвалида 2-ўринда бормоқда. Гуруҳ пешқадами Ирландия ҳисобида эса 11 очко мавжуд.
«Д» гуруҳидаги ҳолат:
«Ф» гуруҳидан ўрин олган баҳсда Роберт Морено бошқарувига ўтган Испания терма жамоаси Руминия майдонига сафар қилди.
Ўйиннинг 29-дақиқасида ҳакам томонидан руминияликлар дарвозаси томон пенальти белгиланди ва ундан испанлар сардори Серхио Рамос унумли фойдаланиб ҳисобни очди (1:0). 47-дақиқага келиб «Боруссия Дортмунд» аъзоси Пако Алькасер ҳам ўз номига битта гол ёздириб қўйди (2:0). 59-дақиқада эса Руминия ҳужумчиси Флорин Андоне орадаги фарқни қисқартирди (2:1).
Баҳс якунига кўра, Испания Арманистонни кичик ҳисобда таслим этиб, навбатдаги 3 очкога эга бўлди.
Қайд этиш жоиз, испанлар «Ф» гуруҳида 5 та ўйинда 5 та ғалаба натижа қайд этиб, 15 очко тўплади.
«Ф» гуруҳидаги ҳолат:
Шу куни «Ж» гуруҳида Роберто Манчини бошқарувидаги Италия термаси меҳмонда Арманистон терма жамоасини синовдан ўтказди.
Учрашувда Арманистон ҳужумчиси Александр Карапетяннинг 11-дақиқада урган голига италияликлар Андреа Белотти (28, 80) ва Лоренцо Пеллегринининг (77) голлари билан жавоб қайтарди.
Шу тариқа Италия сафарда Арманистон устидан 3:1 ҳисобидаги ишончли ғалабага эришди.
Ушбу ғалабадан сўнг Италия 15 очко жамғариб, гуруҳда еткачилик қилмоқда.
«Ж» гуруҳидаги ҳолат:
Евро—2020
Саралаш босқичи
5-тур баҳслари
5 сентябрь, пайшанба
«Д» гуруҳи
Гибралтар—Дания 0:6
Голлар: 0:1 — 6 Сков, 0:2 — 34, пенальти Эриксен, 0:3 — 50, пенальти Эриксен, 0:4 — 69 Дилэйни, 0:5 — 73 Гюткьяер, 0:6 — 78 ГюткьяерИрландия—Швейцария 1:1
Голлар: 0:1 — 74 Шер, 1:1 — 85 Макголдрик«Ф» гуруҳи
Фарер ороллари—Швеция 0:4
Голлар: 0:1 — 12 Исак, 0:2 — 15 Исак, 0:3 — 23 Линдельоф, 0:4 — 41 КвайсонНорвегия—Мальта 2:0
Голлар: 1:0 — 33 Берге, 2:0 — 45, пенальти КингРуминия—Испания 1:2
Гол: 0:1 — 29, пенальти Рамос, 0:2 — 47 Пако Алькасер, 1:2 — 59 Андоне«Г» гуруҳи
Исроил—Шимолий Македония 1:1
Голлар: 1:0 — 55 Захави, 1:1 — 64 Адеми«Ж» гуруҳи
Арманистон—Италия 1:3
Голлар: 1:0 — 11 Карапетян, 1:1 — 28 Белотти, 1:2 — 77 Пеллегрини, 1:3 — 80 БелоттиБосния ва Герсеговина—Литенштейн 5:0
Голлар: 1:0 — 11 Гояк, 2:0 — 80 Дульевич, 3:0 — 85 Жеко, 4:0 — 87 Вишча, 5:0 — 89 ГоякФинляндия—Греция 1:0
Гол: 1:0 — 52, пенальти ПуккиЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)