1 сентябрь, якшанба куни футбол бўйича Италия А Сериясининг 2-тури доирасида 7 та ўйин бўлиб ўтди.
Куннинг дастлабки ўйинида Римнинг «Лацио» ҳамда «Рома» клублари ўзаро тўқнаш келди.
Ўйиннинг 17-дақиқасида «Рома» ҳимоячиси Александар Коларов пенальтидан рақиб дарвозасини аниқ нишонга олган бўлса, 58-дақиқага келиб мезбон жамоанинг испаниялик ярим ҳимоячиси Луис Альберто ҳисобни тенглаштирди.
Шу тариқа ўйин 1:1 ҳисобида якунига етди ва томонлар бир очкодан бўлишиб олди.
Мазкур баҳсдан сўнг «Лацио» 4 очко тўплаган ҳолда мусобақа жадвалида 4-поғонада бораётган бўлса, «Рома» 2 очко билан 15-ўринни банд қилиб турибди.
Антонио Конте бошчилигидаги Миланнинг «Интер» клуби «Кальяри» меҳмони бўлди.
Учрашувнинг 27-дақиқасида Милан клуби ҳужумчиси Лаутаро Мартинес ҳисобни очган бўлса, 50-дақиқага келиб мезбонлар ярим ҳимоячиси Жоао Педро Галвао ҳисобни тенглаштирди (1:1). 72-дақиқада эса «Кальяри» дарвозаси томон пенальти белгиланди. Ундан белгиялик ҳужумчи Ромелу Лукаку унумли фойдаланди (2:1).
Шу тариқа Конте жамоаси меҳмонда кечган баҳсда «Кальяри» устидан кичик ҳисобда устун келди ва муҳим 3 очкони қўлга киритди.
Ушбу ғалабадан сўнг «Интер» очколари сонини 6 тага етказиб олди ва мусобақа пешқадамига айланди.
2-тур якунига кўра, мусобақа жадвалидаги ҳолат:
А Серия
2-тур баҳслари
1 сентябрь, якшанба
«Лацио»—«Рома» 1:1
Голлар: 0:1 — 17, пенальти Коларов, 1:1 — 58 Луис Альберто«Аталанта»—«Торино» 2:3
Голлар: 0:1 — 24 Бонифаци, 1:1 — 38 Сапата, 2:1 — 54 Сапата, 2:2 — 57 Беренгер, 2:3 — 66 Иццо«Кальяри»—«Интер» 1:2
Голлар: 0:1 — 27 Мартинес, 1:1 — 50 Жоао Педро, 1:2 — 72, пенальти Лукаку«Женоа»—«Фиорентина» 2:1
Голлар: 1:0 — 11 Сапата, 2:0 — 65 Куаме, 2:1 — 76, пенальти Пульгар«Лечче»—«Верона» 0:1
Гол: 0:1 — 81 Пессина«Сассуоло»—«Сампдория» 4:1
Голлар: 1:0 — 29 Берарди, 2:0 — 36 Берарди, 3:0 — 43 Берарди, 4:0 — 47 Траоре, 4:1 — 67, пенальти Куальярелла«Удинезе»—«Парма» 1:3
Голлар: 1:0 — 17 Лазанья, 1:1 — 43 Жервиньо, 1:2 — 59 Гальоло, 1:3 — 75 ИнглезеЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)