19 август, душанба куни футбол бўйича Англия Премьер лигаси 2-турининг сўнгги ўйинида Оле-Гуннар Сульшер қўл остидаги «Манчестер Юнайтед» «Вулверҳэмптон» майдонига сафар қилди.
Учрашувнинг 27-дақиқасида «қизил иблислар» ярим ҳимоячиси Антони Марсьяль Маркус Рэшфорд узатган тўпни кучли зарб билан Руи Патрисиу қўриқлаётган дарвозага жойлаб қўйди (1:0). 55-дақиқада эса «бўрилар» вакили Рубен Невеш супер гол муаллифига айланди.
Беллашув шу тариқа 1:1 ҳисобида ниҳоясига етди ва томонлар 1 очкодан бўлишиб олди.
Қайд этиш жоиз, ўйиннинг 68-дақиқасида мезбон жамоа дарвозаси томон пенальти белгиланди ва ундан «манкунианлар» етакчиси Пол Погба унумли фойдалана олмади.
Маълумот учун, «Юнайтед» 2 тур натижасига кўра 4 очко жамғариб, мусобақа жадвалида 4-ўринни эгаллаб турибди. Эслатиб ўтамиз, Сульшер жамоаси дастлабки турда «Челси»ни йирик ҳисобда таслим қилганди (4:0).
2-тур баҳсларидан сўнг мусобақа жадвалидаги ҳолат:
АПЛ
2-тур баҳси
19 август, душанба
«Манчестер Юнайтед»—«Вулверҳэмптон» 1:1
Голлар: 0:1 — 27 Марсьяль, 1:1 — 55 Рубен Невеш«Вулверҳэмптон»: Руи Патрисиу, Кастро, Боли, Беннетт, Доэрти (Траоре, 46), Рубен Невеш, Дендонкер, Моутинью, Коуди, Ҳименес (Кутроне, 90), Диогу Жота (Нету, 86)
«Манчестер Юнайтед»: Де Хеа, Линдельоф, Магуайр, Уан-Биссака, Шоу, Жеймс (Гринвуд, 89), Погба, Лингард (Мата, 81), Мактоминай, Марсьяль, Рэшфорд (Перейра, 89)
Огоҳлантиришлар: Жеймс (24), Рубен Невеш (51), Беннетт (67), Уан-Биссака (84)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)