Футбол бўйича Ўзбекистон Кубогининг 1/8 финал босқичи доирасида 3 август, шанба куни 4 та учрашув якунига етди.
Вадим Абрамов қўл остидаги Тошкентнинг «Бунёдкор» жамоаси ўз майдонида Навоийнинг «Қизилқум» клубини қабул қилди.
Ўйин давомида «қалдирғочлар» аъзолари Хуршид Ғиёсов (20), Евгений Чумак (31), санжар Қодирқулов (58) урган голлар тошкентликларнинг «Қизилқум» устидан йирик ҳисобдаги ғалабасини таъминлади.
Шу тариқа «Бунёдкор» мусобақанинг чорак финалига йўлланмани қўлга киритди.
«Оқтепа»—«Иттифоқ-Н» учрашувида эса асосий вақт 4:4 ҳисобида якунланган бўлса, пенальтилар сериясида «Оқтепа» 5:4 ҳисобида устун келди ва кейинги босқичга йўл олди.
Миржалол Қосимов бошлиқ Олмалиқнинг ОКМК клуби эса «Машъал»га қарши майдонга тушди.
Учрашув асосий вақтида ҳисоб очилмади. Қўшимча бўлимнинг 109-дақиқасида эса Олмалиқ клуби ҳужумчиси Зафар Полвонов рақиб дарвозасини ишғол қилди.
Шу тариқа ОКМК ўз уйида «Машъал»ни Полвоновнинг голи эвазига мағлубиятга учратди ва мусобақанинг 1/4 финалига чиқди.
Шу куни «Сўғдиёна» ўз уйида «Зомин»ни синовдан ўтказди.
Учрашувда «Сўғдиёна» вакиллари Кахи Махарадзе (10), Сардор Қулматов (37), Иван Нагаев (40, 81), Элёр Орифов (53) ва Никола Милинкович (89) голларга муаллифлик қилган бўлса, зоминликлардан Азамат Розиқов (74) ўз номига битта гол ёздириб қўйди.
Ўйин якунига кўра, «Сўғдиёна» «Зомин» устидан йирик ҳисобда ғалаба қозонди (6:1).
Ўзбекистон Кубоги
1/8 финал баҳслари
3 август, шанба
«Оқтепа»—«Иттифоқ-Н» 4:4 (пенальтилар серияси — 5:4)
Голлар: 1:0 — 45, автогол, Ёзилов, 2:0 — 78 Тошмирзаев, 2:1 — 81, пенальти, Холматов, 3:1 — 90 Исмоилов, 3:2 — 90+1 Қосимов, 3:3 — 90+3 Мирзабеков, 3:4 — 110 Давронов, 4:4 — 115, пенальти, Пуришкин«Бунёдкор»—«Қизилқум» 3:0
Голлар: 1:0 — 20 Ғиёсов, 2:0 — 31 Чумак, 3:0 — 58 ҚодирқуловОКМК—«Машъал» 1:0
Гол: 1:0 — 109 Полвонов«Сўғдиёна»—«Зомин» 6:1
Голлар: 1:0 — 10 Махарадзе, 2:0 — 37 Қулматов, 3:0 — 40 Нагаев, 4:0 — 53 Орифов, 4:1 — 74 Розиқов, 5:1 — 81 Нагаев, 6:1 — 89 МилинковичЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)