30 июль куни соат 16:31 да Яшнобод тумани, Мумтоз кўчаси, 2-уйнинг том қисми 40 квадрат метр майдонда ёнган. Бу ҳақда Тошкент шаҳар ёнғин хавфсизлиги бошқармаси маълум қилди.
Ёнғин ўчириш жанговар бўлинмалари чақирилган манзилга соат 16:40 да етиб борган. Кўрилган тезкор чоралар натижасида ёнғин соат 16:53 да қуршаб олиниб, 16 дақиқадан сўнг бартараф этилган.
Ҳодиса жойига 2 та ўт ўчириш техникаси жалб қилинган. Ёнғиндан уйнинг 80 квадрат метр майдонидаги қурилмалари сақлаб қолинган.
Ёнғин электр симларни қисқа туташуви оқибатида содир бўлган деб тахмин қилинмоқда. Келтирилган моддий зарар миқдори аниқланмоқда.