800 фунт (360 кг) ли катта оқ акула АҚШниг Мустақиллик куни арафасида Нью-Жерси қирғоқларида сузиб юргани аниқланган ва рўйхатга олинган, дея хабар берди Forum Daily.
Twitter’даги Ocearch номли акулаларни тамғаловчи ва кузатувчи гуруҳнинг ёзишича, Кейп-Мэй қирғоғида 3 июль куни Мисс Мэй лақабли акула ўз «байрам»ини нишонлади.
Маълумотга кўра, 3 метрли акула Кейп-Мэй қирғоқ чегарасидан 10 мил (16 км) узоқликда сузган.
Маълумот учун, Мисс Мэй февраль ойида Флоридада, июнь ойида эса Шимолий Каролинада рўйхатга олинган.
Қизиғи шундаки, улкан акула Twitter’да ўз шахсий аккаунтига эга. Энди Нью-Жерси қирғоғида дам олувчилар унинг қаерда эканлигидан хабардор бўлиб туриши мумкин.
Аввалроқ Нью-Жерсида балиқчилар баҳайбат акулани кўришгани ҳақида хабар берган эдик.