5—6 июль кунлари футбол бўйича Ўзбекистон Лига Кубогининг 3-тури доирасида 4 та учрашув бўлиб ўтди.
5 июль, жума куни Вадим Абрамов қўл остидаги Тошкентнинг «Бунёдкор» клуби сафарда Миржалол Қосимов бошлиқ Олмалиқнинг ОКМК жамоасига қарши майдонга тушди.
Учрашув давомида ОКМК вакиллари Бобур Йўлдошев (7), Миржамол Қосимов (20), Зафар Полвонов (55), Санъат Шихов (75) биттадан гол урган бўлса, меҳмонлардан Санжар Рихсибоев (27), Хуршид Ғиёсов (71, пенальти), Миржаҳон Мираҳмадов (73) ўз номига биттадан гол ёздириб қўйди.
Шу тариқа олмалиқликлар мусобақанинг 3-турида «қалдирғочлар»ни 4:3 ҳисобида мағлубиятга учратди.
6 июль, шанба куни Самарқанднинг «Динамо» клуби мамлакатнинг қуйи дивизиони вакили (Про А лигаси) Ғузорнинг «Шўртан» жамоаси меҳмони бўлди.
Беллашувнинг 12-дақиқасида самарқандликлар ярим ҳимоячиси Жасур Ашуров ҳисобни очган бўлса, 73-дақиқага келиб мезбон жамоа ҳужумчиси Шерзод Темиров ҳисобни тенглаштирди (1:1). 90+6-дақиқада эса ҳимоячи Холмурод Холмуродов ғузорликларнинг ғалаба голига муаллифлик қилди (2:1).
Шу тариқа «Динамо» сафарда кечган баҳсда «Шўртан»га ютқазиб қўйди.
Бекободнинг «Металлург» клуби ўз майдонида Навоийнинг «Қизилқум» жамоасини қабул қилди.
Ўйиндаги ягона гол 6-дақиқада киритилди. Унга Навоий клуби ярим ҳимоячиси Ҳумоюн Абдуалиев муаллифлик қилди.
Натижада «Қизилқум» 3-турда «Металлург»дан устун келди (1:0).
Куннинг сўнгги баҳсида Жиззахнинг «Сўғдиёна» клуби Термизнинг «Сурхон» жамоаси билан ўйнади.
Тўқнашувда Термиз клуби ярим ҳимоячиси Аюбхон Нўъмоновнинг 12-дақиқада пенальтидан урган голига мезбонлар Санжар Рашидов (21) ҳамда Ойбек Нурматовнинг (90+3) голи билан жавоб қайтарди (2:1).
Ўйин якунига кўра, «Сўғдиёна» ўз уйида «Сурхон»ни мағлуб этди.
Ўзбекистон Лига Кубоги
3-тур баҳслари
5 июль, жума
ОКМК—«Бунёдкор» 4:3
Голлар: 1:0 — 7 Бобур Йўлдошев, 2:0 — 20 Мижамол Қосимов, 2:1 — 27 Санжар Рихсибоев, 3:1 — 55 Зафар Полвонов, 3:2 — 71, пенальти, Хуршид Ғиёсов, 3:3 — 73 Миржаҳон Мираҳмадов, 4:3 — 75 Санъат Шихов6 июль, шанба
«Шўртан»—«Динамо» 2:1
Голлар: 0:1 — 12 Жасур Ашуров, 1:1 — 73 Шерзод Темиров, 2:1 — 90+6 Холмурод Холмуродов«Металлург»—«Қизилқум» 0:1
Гол: 0:1 — 6 Ҳумоюн Абдуалиев«Сўғдиёна»—«Сурхон» 2:1
Голлар: 0:1 — 12, пенальти, Аюбхон Нўъмонов, 1:1 — 21 Санжар Рашидов, 2:1 — 90+3 Ойбек НурматовЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)