26 май, чоршанба куни футбол бўйича Ўзбекистон Кубогининг 3-тури доирасида сўнгги 4 та учрашув бўлиб ўтди.
Рўзиқул Бердиев қўл остидаги Қаршининг «Насаф» клуби сафарда Фарғонанинг «Истиқлол» жамоаси билан баҳсга киришди.
Учрашувнинг 22-дақиқасида Қарши клуби аъзоси Жўрабек Маннонов ҳисобни очган бўлса, 43-дақиқага келиб мезбон жамоа вакили Элдор Эргашев ўз дарвозасига гол уриб қўйди (2:0). 81-дақиқада эса қаршиликлар футболчиси Рустам Абдуҳамидов ўз номига битта гол ёздириб қўйди (2:1).
Шу тариқа «Насаф» меҳмонда кечган баҳсда «Истиқлол»дан 2:1 ҳисобида устун келди ва мусобақанинг нимчорак финал босқичи йўлланмасини қўлга киритди.
Қуйидаги 16 та клуб Ўзбекистон Кубогининг нимчорак финалида иштирок этади:
«Зомин», «Нефтчи», «Сурхон», «Андижон», «Бунёдкор», «Яшнобод», «Қизилқум», «Машъал», «Оқтепа», «Иттифоқ-Н», «Насаф», «Сўғдиёна», ОКМК, «Локомотив», «Пахтакор», «Навбаҳор».
Ўзбекистон Кубоги
3-тур баҳслари
26 май, чоршанба
«Шердор»—«Оқтепа» 0:1
Гол: 0:1 — 70 Мирзоҳидов«Истиқлол»—«Насаф» 1:2
Голлар: 0:1 — 22 Маннонов, 0:2 — 43, автогол, Эргашев, 1:2 — 81 Абдуҳамидов«Шўртан»—«Машъал» 3:5
Голлар: 1:0 — 5 Шодмонов, 1:1 — 6 Жумаев, 2:1 — 19 Шодмонов, 2:2 — 34 Жўраев, 3:2 — 41 Баҳромов, 3:3 — 43 Жумаев, 3:4 — 56, пенальти, 3:5 — 90+3, пенальти, Мелиев«Иттифоқ-Н»—«Ифтихор» 2:1
Голлар: 1:0 — 22 Ҳамроқулов, 1:1 — 45+1 Солижонов, 2:1 — 90+1 МамадалиевЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)