Футбол бўйича Африка Миллатлар Кубогининг гуруҳларида 24 июнь, душанба куни 1-тур баҳслари доирасида 3 та ўйин якунига етди.
«D» гуруҳидан ўрин олган баҳсда Кот-дъИвуар терма жамоаси ЖАР термасига қарши майдонга тушди.
Учрашувдаги ягона гол 64-дақиқада кот-дъивуарлик ҳужумчи Жонатан Кожиа томонидан киритилди (1:0). Шу тариқа Кот-дъИвуар термаси дастлабки турда ЖАРни кичик ҳисобда мағлуб этди ва 3 очкога эга бўлди.
«E» гуруҳида эса Тунис терма жамоаси Ангола термаси билан баҳсга киришди.
Ўйиннинг 34-дақиқасида тунислик ярим ҳимоячи Юссуф Мсакни пенальтидан рақиб дарвозасига гол урган бўлса, 73-дақиқага келиб Ангола аъзоси Жалма Кампуш ҳисобни тенглаштирди (1:1). Шу тариқа Тунис терма жамоаси Ангола термаси билан 1:1 ҳисобида дуранг натижа қайд этди ва жамоалар бир очкодан бўлишиб олди.
Куннинг сўнгги баҳсида Мали термаси Мавритания билан беллашди.
Беллашув давомида Мали термаси вакиллари Абдулай Диаби (37), Мусса Марега (45, пенальти), Адама Траоре III (55) ҳамда Адама Траоре IV (73) биттадан голга муаллифлик қилган бўлса, Мавританиядан ярим ҳимоячи Моктар ал-Ҳасен (72, пенальти) пенальтидан гол урди (4:1).
Шу тариқа малиликлар мусобақанинг 1-турда Мавритания термаси устидан йирик ҳисобда ғалаба қозонди ва муҳим 3 очкони қўлга киритди.
Африка Миллатлар Кубоги
1-тур баҳслари
24 июнь, душанба
«D» гуруҳи
Кот-дъИвуар—ЖАР 1:0
Гол: 1:0 — 64 Кожиа«E» гуруҳи
Тунис—Ангола 1:1
Голлар: 1:0 — 34, пенальти, Мсакни, 1:1 — 73 ЖалмаМали—Мавритания 4:1
Голлар: 1:0 — 37 Диаби, 2:0 — 45, пенальти, Марега, 3:0 — 55 Траоре, 3:1 — 72, пенальти, ал-Ҳасен, 4:1 — 73 ТраореЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)