1 июнь, шанба куни футбол бўйича Ўзбекистон Лига Кубоги 1-тури доирасида 5 та учрашув бўлиб ўтди.
Андрей Фёдоров қўл остидаги Тошкентнинг «Локомотив» клуби ўз майдонида «Бухоро» жамоасини қабул қилди.
Ўйинда меҳмон жамоа аъзоси Акобир Тўраев урган голга «темирйўлчилар» Азизбек Омоновнинг дубли билан жавоб қайтарди (2:1).
Шу тариқа пойтахт жамоаси ўз уйида кечган баҳсда бухороликлардан устун келди.
Самарқанднинг «Динамо» жамоаси Термизнинг «Сурхон» клубига қарши майдонга тушди.
Беллашув давомида Санжар Баратов (2, 63), Амиржон Сафаров (70), Дамир Темиров (78), Жасур Азимов (90+2) томонидан киритилган голлар самарқандликларнинг «Сурхон» устидан йирик ҳисобдаги ғалабасини таъминлади (5:0).
Миржалол Қосимов бошқарувидаги Олмалиқнинг ОКМК клуби Навоийнинг «Қизилқум» жамоаси билан баҳсга киришди.
Учрашувда Олмалиқ клуби аъзоси Миржамол Қосимов дублга эришган бўлса (51, 67), Шаҳзод Нурматов (81) ҳамда Шоҳназар Норбеков (89) ҳам ўз ҳисобига биттадан гол ёздириб қўйди.
Шу тариқа ОКМК «Қизилқум» дарвозасига жавобсиз 4 та гол уриб, йирик ҳисобдаги ғалабага эришди (4:0).
Жиззахнинг «Сўғдиёна» клуби сафарда А Про-Лигада (Суперлигадан иккинчи ўринда турувчи дивизион) тўп сурувчи Ғузорнинг «Шўртан» жамоаси билан беллашди.
Беллашувнинг 18-дақиқасида мезбон жамоа вакили Жасур Холтўраев ҳисобни очган бўлса, 84-дақиқага келиб «Сўғдиёна» ўйинчиси Шоҳруз Норхонов ҳисобни тенглаштирди.
Натижада Жиззах клуби меҳмонда «Шўртан» билан дуранг ўйнади (1:1).
Шу куни «Андижон» клуби «Машъал» билан ўйнади.
Тўқнашувнинг 3-дақиқасидаёқ андижонликлар аъзоси Сардор Сулаймонов ҳисобни очди (1:0). Орадан 3 дақиқа ўтиб майдон эгалари вакили Маъруф Жумаев ҳисобни тенглаштирган бўлса, 59-дақиқага келиб Дилшод Раҳматуллаев «Андижон»ни ҳисобда олдинга олиб чиқди (2:1). 69-дақиқада эса Маъруф Жумаев дублга эришди (2:2). Учрашувдаги ғалаба голини меҳмон жамоа ҳужумчиси Шаҳбоз Жумабоев 11 метрлик жарима зарбасидан урди (3:2).
Шу тариқа «Андижон» қийин кечган баҳсда «газчилар»дан устун келди (3:2).
Лига Кубоги
1-тур баҳслари
1 июнь, шанба
«Локомотив»—«Бухоро» 2:1
Голлар: 0:1 — 42 Акобир Тўраев, 1:1 — 75 Азизбек Омонов, 2:1 — 81 Азизбек Омонов«Динамо»—«Сурхон» 5:0
Голлар: 1:0 — 2 Санжар Баратов, 2:0 — 63 Санжар Баратов, 3:0 — 70 Амиржон Сафаров, 4:0 — Дамир Темиров, 5:0 — 90+2 Жасур АзимовОКМК—«Қизилқум» 4:0
Голлар: 1:0 — 51 Миржамол Қосимов, 2:0 — 67 Миржамол Қосимов, 3:0 — 81 Шаҳзод Нурматов, 4:0 — 89 Шоҳназар Норбеков«Шўртан»—«Сўғдиёна» 1:1
Голлар: 1:0 — 18 Жасур Холтўраев, 1:1 — 84 Шоҳруз Норхонов«Машъал»—«Андижон» 2:3
Голлар: 0:1 — 3 Сардор Сулаймонов, 1:1 — 6 Маъруф Жумаев, 1:2 — 59 Дилшод Раҳматуллаев, 2:2 — 69 Маъруф Жумаев, 2:3 — 82, пенальти, Шаҳбоз ЖумабоевЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)