RАC1 радиоси хабарига кўра, «Барселона» парижликлар билан бразилиялик ҳужумчи Неймар трансфери борасида музокараларни бошлаб юборган.
Шартнома бандига каталонияликлар вингери Усмон Дембеле ҳам киритилиши мумкин.
Маълум бўлишича, музокаралар ҳали ҳам дастлабки босқичда. ПСЖ футболчини олиб қолишга ҳаракат қилади. Бироқ Неймарнинг ўзи «Барселона»га қайтишни хоҳламоқда. Лионель Месси бошчилигидаги «кўк-анор ранглилар» уни жамоада яна кўришдан хурсанд бўлади.
Маълумот учун, Неймар «Барселона» таркибида 2013 йилдан 2017 йилгача тўп сурди. Шундан сўнг 222 миллион евро эвазига ПСЖга кўчиб ўтди.
Дембеле эса каталонияликлар сафига Дортмунднинг «Боруссия» клубидан бонуслардан ташқари 105 миллион евро эвазига ўтганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)