3 май, жума куни футбол бўйича Испания чемпионатининг 36-тур учрашувлари бошланди.
Тур дастлабки беллашувида «Леганес» сафарда «Севилья»га қарши майдонга тушди.
Учрашув давомида меҳмон жамоа аъзолари Юссуф ан-Носири (7), Мартин Брейтуэйт (19) ҳамда Оскар Родригес (82) урган голлар «Леганес»га йирик ҳисобдаги ғалабани тақдим этди (3:0).
4 май, шанба куни мусобақа жадвалида 2-ўринда бораётган Мадриднинг «Атлетико» клуби «Эспаньол» меҳмони бўлади. Ўйин Тошкент вақти билан соат 19:15 да бошланади. Эслатиб ўтамиз, «матрасчилар» аввалги турда «Вальядолид»ни кичик ҳисобда мағлубиятга учратганди (1:0).
Шу куни муддатидан аввал чемпионликни нишонлаган Каталониянинг «Барселона» жамоаси сафарда «Сельта»ни синовдан ўтказади. Беллашувга соат 23:45 да старт берилади. Маълумот учун, «кўк-анор ранглилар» 35-турда Лионель Мессининг голи эвазига «Леванте»ни ютганди (1:0).
5 май, якшанба куни Зинедин Зидан қўл остидаги Мадриднинг «Реал» клуби «Сантьяго Бернабеу»да «Вильярреал» билан баҳсга киришади. Тўқнашув соат 19:15 да старт олади. Қайд этиш жоиз, «Қироллик клуби» аввалги турда «Райо Вальекано»га ютқазиб қўйганди (0:1).
Ла Лига
36-тур баҳслари
3 май, жума
«Севилья»—«Леганес» 0:3
Голлар: 0:1 — 7 ан-Носири, 0:2 — 19 Брейтуэйт, 0:3 — 82 Родригес4 май, шанба
«Леванте»—«Райо Вальекано» 16:00
«Эспаньол»—«Атлетико Мадрид» 19:15
«Алавес»—«Реал Сосьедад» 21:30
«Сельта»—«Барселона» 23:45
5 май, якшанба«Хетафе»—«Жирона» 15:00
«Эйбар»—«Бетис» 17:00
«Реал Мадрид»—«Вильярреал» 19:15
«Вальядолид»—«Атлетик Бильбао» 21:30
«Уэска»—«Валенсия» 23:45
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)