Футбол бўйича Англия Премьер лигасининг 36-тур ўйинларига 26 апрель санасида старт берилади.
Турнинг илк баҳсида Юрген Клопп бошлиқ «Ливерпуль» клуби ўз майдонида «Ҳаддерсфилд»ни синовдан ўтказади. Учрашув Тошкент вақти билан соат 00:00 да бошланади. Маълумот учун, мерсисайдликлар 35-турнинг сафарда кечган баҳсида «Кардифф Сити»ни мағлубиятга учратганди (2:0).
27 апрель, шанба куни мусобақа жадвалида 3-ўринда бораётган Лондоннинг «Тоттенҳэм» жамоаси ўз уйида «Вест Ҳэм»ни қабул қилади. Баҳсга соат 16:30 да старт берилади. Таъкидлаш жоиз, «шпорлар» 33-турнинг қолдирилган ўйинида «Брайтон» устидан Кристиан Эриксеннинг киритган ягона голи эвазига ғалаба қозонганди (1:0).
28 апрель, якшанба куни Унаи Эмери қўл остидаги Лондоннинг «Арсенал» жамоаси меҳмонда «Лестер»га қарши майдонга тушади. Беллашув соат 16:00 д бошланиши белгиланган. Эслатиб ўтамиз, «тўпчилар» 31-турнинг кечиктирилган баҳсида «Вулверҳэмптон»га 1:3 ҳисобида таслим бўлганди.
Мусобақа жадвалида пешқадамга айланиб олган «Манчестер Сити» сафарда «Бёрнли» билан ўйнайди. Ўйин соат 18:05 да бошланиши белгиланган. Қайд этиш жоиз, «шаҳарликлар» Манчестер дербисида «Юнайтед» дарвозасига жавобсиз 2 та гол уриб, ғалаба қозонганди (2:0).
Турнинг марказий учрашувида охирги пайтлар омади чопмаётган «Манчестер Юнайтед» «Олд Траффорд» стадионида Лондоннинг «Челси» клуби билан баҳсга киришади. Беллашувга соат 20:30 да старт берилади. Эслатиб ўтамиз, «манкунианлар» 64 очко тўплаган ҳолда мусобақа жадвалида 6-ўринда бормоқда. «Аристократлар» ҳисобида эса 67 очко мавжуд ва жамоа мусобақа жадвалида 4-поғонани эгаллаган.
35-турдан сўнг мусобақа жадвалидаги ҳолат:
АПЛ
36-тур баҳслари
26 апрель, жума
«Ливерпуль»—«Ҳаддерсфилд» 00:00
27 апрель, шанба«Тоттенҳэм»—«Вест Ҳэм» 16:30
«Уотфорд»—«Вулверҳэмптон» 19:00
«Кристал Пэлас»—«Эвертон» 19:00
«Фулҳэм»—«Кардифф Сити» 19:00
«Саутҳэмптон»—«Борнмут» 19:00
«Брайтон»—«Ньюкасл» 21:30
28 апрель, якшанба«Лестер»—«Арсенал» 16:00
«Бёрнли»—«Манчестер Сити» 18:05
«Манчестер Юнайтед»—«Челси» 20:30
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)