24 апрель, чоршанба куни футбол бўйича Испания чемпионатининг 34-турида Диего Симеоне қўл остидаги Мадриднинг «Атлетико» жамоаси ўз майдонида «Валенсия»ни қабул қилди.
Учрашувнинг 9-дақиқасида мадридликлар ҳужумчиси Альваро Мората Хуанфран узатмасини голга айлантирган бўлса, 36-дақиқага келиб «кўршапалаклар» ҳужумчиси Кевин Гамейро ҳисобни тенглаштирди (1:1). 49-дақиқада эса франциялик Антуан Гризманн рақиб дарвозасини ишғол қилди (2:1). 77-дақиқада Ян Облак дарвозаси томон пенальти белгиланди ва ундан меҳмон жамоа ярим ҳимоячиси Даниэл Парехо унумли фойдаланиб, ҳисобни тенглаштирди (2:2). Орадан 4 дақиқа ўтиб «Атлетико» сафида захирадан майдонга тушган Анҳел Корреа жамоасининг 3-голига муаллифлик қилди (3:2).
Шу тариқа «Атлетико» ўз уйида «Валенсия»ни 3:2 ҳисобида мағлуб этди ва муҳим 3 очкога эга бўлди.
Мазкур ғалабадан сўнг Мадрид клубининг очколари сони 71 тага етди ва жамоа мусобақа жадвалидаги ўрнини мустаҳкамлаб олди (2-ўрин).
Ла Лига
34-тур баҳси
«Атлетико Мадрид»—«Валенсия» 3:2
Голлар: 1:0 — 9 Мората, 1:1 — 36 Гамейро, 2:1 — 49 Гризманн, 2:2 — 77, пенальти, Парехо, 3:2 — 81 Корреа«Атлетико Мадрид»: Облак, Хуанфран, Савич, Годин, Филипе Луис (Корреа, 64), Коке, Нйигес, Эрнандес, Лемар (Партей, 71), Мората (Ариас, 84), Гризманн
«Валенсия»: Мурара Нето, Васс, Гарай, Диакаби, Гайя, Солер, Парехо, Коклен, Гедеш (Собрино, 59), Гамейро, Мина
Огоҳлантиришлар: Солер (22), Мората (48), Филипе Луис (56), Собрино (73), Диакаби (90+2)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)