21 апрель, якшанба куни футбол бўйича Франция чемпионатининг 33-тури доирасида 4 та учрашув якунига етди.
Куннинг сўнгги ўйинида Томас Тухел қўл остидаги Парижнинг ПСЖ клуби ўз майдонида Леонарду Жардим бошлиқ «Монако» жамоасини қабул қилди.
Беллашувнинг 15, 38 ва 56-дақиқаларида парижликлар ҳужумчиси Килиан Мбаппе киритган голларга «князлик клуби» ярим ҳимоячи Александр Головиннинг урган ягона голи билан жавоб қайтарди. Шу тариқа ПСЖ ўз уйида кечган баҳсда муҳим ғалабани қўлга киритди ва 3 очкога эга бўлди.
Мазкур ғалабадан сўнг ПСЖ очколари сонини 84 очкога етказди. Қайд этиш жоиз, ПСЖ мазкур баҳсни чемпион сифатида бошлади, боиси иккинчи ўриндаги «Лилль» жамоаси мазкур турда дуранг ўйнади ва Париж клубига етиб олиш имкониятидан маҳрум бўлди. Шу тариқа ПСЖ мусобақа чемпионлигини муддатидан аввал қўлга киритди.
33-турдан сўнг мусобақа жадвалидаги ҳолат:
Лига 1
33-тур баҳслари
21 апрель, якшанба
«Нант»—«Амьен» 3:2
Голлар: 1:0 — 49 Кулибали, 2:0 — 55 Кулибали, 3:0 — 59 Роне, 3:1 — 62 Отеро, 3:2 — 77 Тимите«Тулуза»—«Лилль» 0:0
«Реймс»—«Сент-Этен» 0:2
Голлар: 0:1 — 25 Кабелла, 0:2 — 51, автогол, ЭнгелсПСЖ—«Монако» 3:1
Голлар: 1:0 — 15 Мбаппе, 2:0 — 38 Мбаппе, 3:0 — 56 Мбаппе, 3:1 — 80 ГоловинЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)