Жиноят ишлари бўйича Хоразм вилояти Ҳазорасп туман судида ўтказилган очиқ суд мажлисида бир гуруҳ бўлиб, ҳаёт учун хавфли бўлган қасддан оғир тан жароҳати етказган шахсларга суд ҳукми ўқилди. Бу ҳақда «Дарё»га Жиноят ишлари бўйича Ҳазорасп туман суди раиси Акбар Аминов хабар берди.
Иш ҳолатларига кўра, М. I., Р. Б. ва К. А. (исм-шарифи ўзгартирилган) лар олдиндан тил бириктириб, бир гуруҳ бўлиб, тунги соат 24:30 ларда К. А. ни бошқарувидаги Damas русумли автомашинада Ҳазорасп шаҳарчаси, «Ғафур Ғулом» кўчасидан ўтган йўлда Д. Ж. бошқарувидаги Damas русумли автомашинани сиқиб, йўл чеккасига чиқариб юборган. Сиқиб чиқарилган машина ҳайдовчиси нима сабабдан йўл чеккасига сиқиб чиқарганлик сабабини сўраб, жанжаллашиб турганида, М. I. автомашинадан тушиб, Д. Ж. ни кўкрагига қўли билан бир мушт уриб, елкасидан ошириб, ерга йиқитган пайтда, К. А. ва Р. Б. лар Д. Ж. ни юз, бош, кўз соҳаларига оёғи билан бир-неча маротаба тепиб, унга қасддан ҳаёти учун хавфли бўлган оғир тан жароҳати етказган.
Суд ҳукми билан судланувчи М. I. га Ўзбекистон Республикаси ЖКнинг 104-моддаси 2-қисми «к» банди билан ЖКнинг 104-моддаси 2-қисми «к» банди билан ЖКнинг 57-моддасини қўллаб, 4 йил озодликни чеклаш жазоси, судланувчи Р. Б. га ЖКнинг 104-моддаси 2-қисми «к» банди билан ЖКнинг 104-моддаси 2-қисми «к» банди билан ЖКнинг 57-моддасини қўллаб, 3 йил озодликни чеклаш жазоси ва судланувчи К. А. га ЖКнинг 104-моддаси 2-қисми «к» банди билан, ЖКнинг 57-моддасини қўллаб, 3 йил-у 6 ой озодликни чеклаш жазоси тайинланди.
Изоҳ (0)