10 апрель, чоршанба куни футбол бўйича Европа Чемпионлар Лигаси 1/4 финалининг илк учрашувида «Ювентус» ҳужумчиси Криштиану Роналду «Аякс» дарвозасини ишғол қилди (1:1).
Мазкур мусобақада 34 ёшли португалиялик Нидерландия клубига қарши кечган 6 та ўйинда 8 та гол уришга муваффақ бўлди. Шулардан 6 тасини «Аякс» уйида бўлиб ўтган 3 та беллашувда урган. Қайд этиш жоиз, Роналду «Аякс»нинг уй стадионида мезбонларга 6 та гол урган ягона ўйинчига айланди.
Мусобақа тарихида Роналду фақатгина «Ювентус» ҳамда «Бавария» дарвозаларига «Аякс»га қараганда кўпроқ гол урган (10 тадан).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)