2 апрель, сешанба куни футбол бўйича Испания чемпионатининг 30-тури доирасида дастлабки 3 та учрашув якунланди.
Мазкур турни «Атлетико Мадрид» ҳамда «Жирона» клублари қарама-қаршилиги бошлаб берди.
Беллашувда Диего Годин (76) ва Антуан Гризманннинг (90) голлари мадридликларга навбатдаги ғалабани тақдим этди (2:0).
Шу куни мусобақа жадвалида етакчилик қилаётган Эрнесто Вальверде бошлиқ «Барселона» клуби «Вильярреал» меҳмони бўлди.
Учрашувнинг 12-дақиқасида Филиппе Коутиньо ҳисобни очган бўлса, 16-дақиқада эса Малком ҳисобни 2:0 кўринишига олиб келди. Ўйин давомида мезбон жамоа аъзолари Самуэл Чуквуэзе (23), Карл Токо Экамби (50), Висенте Иборра (62), Карлос Бакка (80) Марк-Андре тер Штеген дарвозасини бирин-кетин ишғол қилди (4:2). Захирадан майдонга тушган Лионель Месси учрашувнинг 90-дақиқасида яна жарима зарбасидан гол уриб, ҳисобни қисқартирди (4:3). Орадан 3 дақиқа ўтиб Луис Суарес ўйиндаги сўнгги голни уриб, Каталония клубини мағлубиятдан қутқариб қолди (4:4).
30-тур баҳслари
2 апрель, сешанба
«Атлетико Мадрид»—«Жирона» 2:0
Голлар: 1:0 — 76 Годин, 2:0 — 90 Гризманн«Эспаньол»—«Хетафе» 1:1
Голлар: 1:0 — 56 Иглесиас, 1:1 — 72 Родригес«Вильярреал»—«Барселона» 4:4
Голлар: 0:1 — 12 Коутиньо, 0:2 — 16 Малком, 1:2 — 23 Чуквуэзе, 2:2 — 50 Экамби, 3:2 — 62 Иборра, 4:2 — 80 Бакка, 4:3 — 90 Месси, 4:4 — 90+3 СуаресЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)