29 март, жума куни футбол бўйича Италия чемпионатининг 29-тур учрашувлари бошланди.
Шу куни «Кальяри» клуби «Кьево» билан ўйнади.
Баҳсда Фабио Писакане (16), Жуан Педро (33), Артур Ионита (43) томонидан киритилган голлар меҳмон жамоанинг ғалабасини таъминлади (3:0).
30 март, шанба куни мусобақа жадвалида етакчилик қилаётган Туриннинг «Ювентус» клуби ўз майдонида «Эмполи»ни синовдан ўтказади. Беллашув Тошкент вақти билан 22:00 да старт олади. Эслатиб ўтамиз, туринликлар 28-турда «Женоа»га қарши майдонга тушиб, жорий мавсумдаги илк мағлубиятини қабул қилиб олганди (0:2).
Куннинг сўнгги ўйинида Женнаро Гаттузо бошлиқ «Милан» клуби сафарда Фабио Квальярелла етакчилигидаги «Сампдория» жамоаси билан баҳсга киришади. Учрашув тунги соат 00:30 да бошланади. Маълумот учун, «Милан» охирги турда Милан дербисида «Интер»га имкониятни бой берганди (2:3).
31 март, якшанба куни турнинг марказий ўйинларидан бирида «Рома» клуби Карло Анчелотти бошқарувидаги «Наполи» жамоаси билан жанг қилади. Тўқнашувга 19:00 да старт берилади. Таъкидлаш жоиз, мусобақанинг 28-турида римликлар меҳмонда СПАЛга ютқазган бўлса (1:2), неаполликлар ўз майдонида «Удинезе» устидан ғалаба қозонганди (4:2).
Турга «Интер» ҳамда «Лацио» клублари қарама-қаршилиги остидаги ўйин якун ясайди. Беллашув 00:30 да бошланиши белгиланган. Маълумот учун, Лучано Спалетти бошлиқ «Интер» 53 очко жамғарган ҳолда 3-ўринда бормоқда, римликлар эса 45 очко билан 6-поғонани банд қилган.
28-турдан сўнг мусобақа жадвалидаги ҳолат:
А Серия
29-тур баҳслари
29 март, жума
«Кьево»—«Кальяри» 0:3
Голлар: 0:1 — 16 Писакане, 0:2 — 33 Педро, 0:3 — 43 Ионита30 март, шанба
«Удинезе»—«Женоа» 19:00
«Ювентус»—«Эмполи» 22:00
«Сампдория»—«Милан» 00:30
31 март, якшанба«Парма»—«Аталанта» 16:30
«Рома»—«Наполи» 19:00
«Фрозиноне»—СПАЛ 19:00
«Фиорентина»—«Торино» 19:00
«Болонья»—«Сассуоло» 22:00
«Интер»—«Лацио» 00:30
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)