24 март, якшанба куни футбол бўйича Европа Чемпионатининг саралаш босқичи доирасида гуруҳларда 2-тур учрашувлари ўтказилди.
Турнинг марказий ўйинида Роналд Куман қўл остидаги Нидерландия терма жамоаси ўз майдонида Ёаҳим Лёв бошлиқ Германия термаси билан жанг қилди.
Ўйиннинг 15-дақиқасида «Манчестер Сити» аъзоси Лерой Сане ҳисобни очган бўлса, 34-дақиқада Серж Гнабри Нидерландия дарвозасига гол урди (2:0). 48-дақиқада эса ҳимоячи Маттейс де Лигт орадаги фарқни қисқартиди (2:1). 64-дақиқага келиб Мемфис Депай ҳисобни тенглаштирди (2:2). Беллшувнинг сўнгги дақиқаларида германиялик Нико Шулц Марко Ройс узатган тўпни Яспер Силлессен қўриқлаётган дарвозага жойлаб қўйди ва жамоасининг ғалабасини таъминлади (3:2).
Шу куни Эден Азар етакчилигидаги Бельгия терма жамоаси сафарда Кипрни синовдан ўтказди.
Учрашувнинг 10-дақиқасида Эден Азар рақиб дарвозасини ишғол қилган бўлса, орадан 8 дақиқа ўтиб Миши Батшуайи ҳисобни 2:0 кўринишига олиб келди.
Шу тариқа Бельгия терма жамоаси меҳмонда кечган баҳсда Кипрни 2:0 ҳисобида мағлуб этди ва навбатдаги 3 очкога эга бўлди.
Евро—2020
Саралаш, 2-тур баҳслари
24 март, якшанба
«C» гуруҳи
Нидерландия—Германия 2:3
Голлар: 0:1 — 15 Сане, 0:2 — 34 Гнабри, 1:2 — 48 де Лигт, 2:2 — 64 Депай, 2:3 — 90 ШулцШимолий Ирландия—Беларусь 2:1
Голлар: 1:0 — 30 Эванс, 1:1 — 33 Стасевич, 2:1 — 87 Маженнис«G» гуруҳи
Польша—Латвия 2:0
Голлар: 1:0 — 76 Левандовски, 2:0 — 84 ГликСловения—Македония 1:1
Голлар: 1:0 — 34 Зайц, 1:1 — 47 Барди«I» гуруҳи
Кипр—Бельгия 0:2
Голлар: 0:1 — 10 Азар, 0:2 — 18 Батшуайи.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)