Осмондаги сирли «туйнук» арабистонликларни чўчитди

Бирлашган Араб Амирликларининг Ал-Айн шаҳри аҳолиси ажойиб атмосфера ҳодисасининг гувоҳи бўлган, деб ёзади «Sputnik».

Гувоҳлардан бирининг Twitter᾽да жойлаштирган видеосида ҳаракат қилмайдиган ҳалқа акс эттирилган. Унинг ранги атрофдаги булутларга қараганда қорамтирроқ. «Тешик булут», — дея ёзган видео муаллифи.

Ушбу видео қизғин муҳокамага сабаб бўлди. Баъзилар бу ҳодиса атроф-муҳитнинг салбий ўзгариши эканлигини қайд этган. Бошқалар эса Ерга ўзга сайёраликлар ташриф буюрган, дея тахмин қилган.

شوهدت هذه الظاهرة النادرة والجميلة صباح اليوم في مدينة العين

تُسمى hole punch cloud
أو ظاهرة fallstreak hole pic.twitter.com/NbOd9zofNk

— إبراهيم الجروان (@ibrahimaljarwan) March 17, 2019

Кейинчалик изоҳларда бу каби «туйнуклар» самолёт булутлар орасидан учиб ўтганда ҳароратнинг бир-биридан фарқ қилиши сабабли пайдо бўлиши мумкинлигини тушунтиришди.