17 март, якшанба куни футбол бўйича Испания Ла Лигасининг 28-турида «Барселона» ҳужумчиси Лионель Месси жарима зарбасидан «Бетис» дарвозасини ишғол қилди (4:1).
Аргентиналик футболчи учрашувнинг 18-дақиқасида жарима зарбасидан Пау Лопес қўриқлаётган дарвозага гол урди. Бу Мессининг 8 мавсум давомидаги жарима зарбасидан киритган 25-голи бўлди. Бу ҳақда MisterChip хабар берди.
Айни дамда мазкур кўрсаткичда «Барселона»нинг асосий рақибларидан бири «Реал Мадрид»нинг ҳисобида 24 та гол мавжуд.
Эслатиб ўтамиз, Месси жорий мавсум Ла Лиганинг 26 та ўйинида майдонга тушиб, 29 та гол урди ва 14 та голли пас берди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)