«Манчестер Сити» Европа Чемпионлар Лигасининг 1/8 финалида «Шальке-04»ни икки ўйин натижасига кўра 10:2 ҳисобида мағлубиятга учратди ва мусобақанинг кейинги босқичи йўлланмасини қўлга киритди.
Аввалроқ «Манчестер Юнайтед» ҳамда «Тоттенҳэм» клублари ҳам мазкур мусобақанинг нимчорак финалида ғалаба қозониб, кейинги босқичга чиққанди. Шу тариқа жорий мавсумда чорак финалга чиққан инглиз жамоалари сони 3 тага етди.
Чемпионлар Лигаси 2010/11 йилги мавсумида илк маротаба Англиянинг камида 3 та жамоаси чорак финалга йўлланма олган ҳолат кузатилганди.
13 март, чоршанба куни Англиянинг яна бир клуби «Ливерпуль» меҳмонда Германиянинг «Бавария» жамоаси билан жанг қилади.
Учрашув Тошкент вақти билан тунги соат 01:00 да бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)