Велотрек бўйича уч карра жаҳон чемпиони, 2016 йилда Рио-де-Жанейрода бўлиб ўтган Олимпиада ўйинлари кумуш медали соҳиби 23 ёшли Келли Кэтлин ўз жонига қасд қилди. Бу ҳақда VeloNews хабар берди.
Америкалик спортчининг жасади 8 март жума куни АҚШнинг Калифорния штатидаги уйидан топилган.
Унинг отаси Марк Кэтлин қизининг вафоти белгиларини ошкор этмаган. «У ҳақда ўйламасдан бир дақиқамиз ҳам ўтмаяпти, ахир у ажойиб умрни яшаб ўтиши мумкин эди», — дейди Марк.
Келли Кэтлин велотрек бўйича АҚШ терма жамоаси таркибида 2016 йилдан 2018 йилга қадар кетма-кет уч йил давомида жаҳон чемпиони бўлган. 2016 йилда Бразилияда бўлиб ўтган Олимпиада ўйинларида у кумуш медалини қўлга киритганди. Кэтлин Стэнфорд университетида математика бўйича магистрлик даражасини ҳам олганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)