9 март, шанба куни футбол бўйича Испания чемпионатининг 27-тури доирасида 4 та учрашув ўз ниҳоясига етди.
Диего Симеоне қўл остидаги Мадриднинг «Атлетико» клуби ўз майдонида «Леганес» жамоасини синовдан ўтказди.
Беллашувнинг 50-дақиқасида Саулнинг киритган голи мадридликларга навбатдаги ғалабани тақдим этди (1:0).
Шу куни мусобақа жадвалида биринчи ўринда бораётган Лионель Месси етакчилигидаги «Барселона» клуби «Камп Ноу» стадионида «Райо Вальекано» билан баҳсга киришади.
Ўйиннинг 24-дақиқасида «Райо Вальекано» ҳужумчиси Рауль де Томас Марк-Андре тер Штеген дарвозасини ишғол қилган бўлса, 38-дақиқага келиб Жерар Пике Лионель Месси узатмасини голга айлантирди ва ҳисобни тенглаштирди (1:1).
2-бўлимнинг 51-дақиқасида ҳакам Марио Мелеро меҳмон жамоа дарвозаси томон пенальти белгилади ва ундан каталонияликлар етакчиси Лео Месси унумли фойдаланди (2:1). 82-дақиқада эса Луис Суарес ҳам ўз номига битта гол ёздириб қўйди (3:1).
Шу тариқа Эрнесто Вальверде шогирдлари ўз майдонида «Райо Вальекано» устидан ишончли ғалабани қўлга киритди (3:1).
Ла Лига
27-тур баҳслари
9 март, шанба
«Алавес»—«Эйбар» 1:1
Голлар: 1:0 — 58 Инуи, 1:1 — 71 Кардона«Атлетико Мадрид»—«Леганес» 1:0
Гол: 1:0 — 50 Саул«Барселона»—«Райо Вальекано» 3:1
Голлар: 0:1 — 24 Де Томас, 1:1 — 38 Пике, 2:1 — 51, пенальти, Месси, 3:1 — 82 Суарес«Хетафе»—«Уэска» 2:1
Голлар: 0:1 — 35 Галлего, 1:1 — 50 Мата, 2:1 — 77 МатаЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)