«Марс Экспресс» орбитал станциясида ўтмишда Қизил сайёрада кенг тарқалган шиддатли дарёлар тизимининг мавжудлиги аниқланган, дея хабар берди «BBC.com». Қуруқ ўзанларни бугунгача Марс водийсида кўриш мумкин.
Сайёралараро станцияси томонидан олинган фотосуратларда Марс сайёраси юзасида чуқур ажинлар аниқ кўриниб турган, бу эса сайёра доим ҳам тошлоқ чўл бўлмаганлигидан далолат.
Тадқиқот хулосаларига кўра, қадимда Марс атмосфераси анча қалин ва зичроқ бўлган. Бу эса сайёрага қуёш нурларини сақлаб қолиш ва юзада доимий сув оқимларини сақлаш учун шароит яратган.