Жазоир президенти Абдулазиз Бутефлика оғир аҳволда. У Женевадаги (Швейцария) университет клиникасининг шошилинч даволаш бўлимига жойлаштирилди. Бу ҳақда «Вести.ru» хабар берди.
Президент жойлаштирилган қават қаттиқ қўриқланмоқда. Яқиндагина 82 ёшга тўлган Бутефлика 18 апрелда бўлиши кутилаётган президентлик сайловларига ўз номзодини қўйган. Агар у сайловда ғалаба қозонса, бу унинг кетма-кет бешинчи бор президентлик лавозимига сайланиши бўлади.
1 март куни кечаси ўн минглаб одамлар кўчага чиқиб, Жазоирга қарши намойиш акцияларини уюштирган. Айниқса пойтахтда улар авжига чиққани учун полиция кўзни ёшлантирувчи газ ишлатишга мажбур бўлган. Акция иштирокчилари, ўз навбатида, полицияга қарата тош отган. Ўн киши жароҳатланган, қирқ беш киши қўлга олинган.
2013 йилда Бутефлика кичик инсультни бошидан кечиргач, Франциядаги касалхонада бир неча ҳафта даволанган.
2012 йилда эса президент оғир инсультдан азият чеккан. Шундан бери у оммага жуда кам кўринар эди ва ногиронлар аравачасида юрар эди.
2019 йил 2 март куни шифокорлар уни сунъий кома ҳолатига туширган.
Абдулазиз Бутефлика араб дунёси ва Африкадаги энг тажрибали сиёстачилардан бири ҳисобланади. У иш фаолиятини 1960 йилларда бошлаган. 26 ёшида Жазоир ТИВга раҳбар этиб тайинланган ва 15 йил шу лавозимда ишлаган. 1999 йил у илк бор мамлакат президенти этиб сайланган.