«Барселона» Испания Кубогининг 1/2 финалида меҳмонда кечган жавоб учрашувида «Реал»ни мағлуб этди (3:0, биринчи учрашув — 1:1).
Бу барча расмий учрашувларни ҳисобга олганда тарихдаги 241-«Эль-Класико» бўлди, деб хабар берди Педро Мартин ўзининг Twitter’даги расмий саҳифасида.
Мазкур ўйинда «кўк-анор ранглилар» «Реал» устидан қозонилган 95-ғалабасини нишонлади. Мадрид клуби ҳам ўзаро учрашувларда каталонияликларни 95 марта мағлубиятга учратган. 51 та ўйинда эса томонлар дурангга имзо чеккан.
«Реал Мадрид» голлар сони бўйича «Барселона»дан бироз олдинда. «Қироллик клуби» Каталония клуби дарвозасига 403 та гол урган бўлса, «Барселона» ҳисобида 393 та гол мавжуд.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)