30 январь, чоршанба куни футбол бўйича Италия Кубогининг 1/4 баҳслари доирасида 2 та учрашув бўлиб ўтди.
Массимилиано Аллегри қўл остидаги Туриннинг «Ювентус» клуби «Аталанта» майдонига сафар қилди.
Беллашувнинг 37-дақиқасида мезбон жамоа аъзоси Кастан ҳисобни очган бўлса, орадан 2 дақиқа ўтиб Дуван Сапата ҳисобни 2:0 кўринишига олиб келди. Ўйиннинг асосий вақти тугашига 4 дақиқа қолганда Дуван Сапата ҳисобни йириклаштирди ва дублга эришди (3:0).
Шу тариқа туринликлар мусобақадаги юришини тўхтатди.
Римнинг «Рома» клуби «Фиорентина» билан баҳс олиб борди.
Учрашувнинг 7, 18, 74-дақиқаларида Федерико Кеза ҳет-трикка эришган бўлса, Жованни Симеоне 79 ва 89-дақиқаларда римликлар дарвозасини ишғол қилиб, дубл қайд этди. Луис Муриэль 33-дақиқада, Марко Бенасси эса 66-дақиқада ўз ҳисобларига биттадан гол ёздириб қўйди. «Фиорентина»нинг 7 та голига «Рома» клуби Александр Коларовнинг 28-дақиқада киритилган голи билан жавоб қайтарди (7:1).
Шу тариқа «Рома» сафарда флоренсияликларга йирик ҳисобда мағлуб бўлди ва мусобақани тарк этди.
Италия Кубоги
1/4 финал баҳслари
30 январь, чоршанба
«Аталанта»—«Ювентус» 3:0
Голлар: 1:0 — 37 Кастан, 2:0 — 39 Сапата, 3:0 — 86 Сапата.«Фиорентина»—«Рома» 7:1
Голлар: 1:0 – 7 Кеза, 2:0 – 18 Кеза, 2:1 – 28 Коларов, 3:1 – 33 Муриэль, 4:1 – 66 Бенасси, 5:1 – 74 Кеза, 6:1 – 79 Симеоне, 7:1 – 89 Симеоне.
Четлатиш: Жеко (72).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)