29 январь, сешанба куни Англия чемпионатининг 24-тур баҳсларига старт берилади.
Унаи Эмери қўл остидаги Лондоннинг «Арсенал» клуби ўз уйида «Кардифф» жамоасини қабул қилади. Учрашув Тошкент вақти билан тунги соат 00:45 да бошланади.
Мусобақа жадвалида 2-ўринда бораётган «Манчестер Сити» «Ньюкасл» майдонига сафар қилади.
Мазкур турда Оле-Гуннар Сульшер бошлиқ «Манчестер Юнайтед» клуби эса «Олд Траффорд» стадионида «Бёрнли» клубини синовдан ўтказади. Иккала ўйинга ҳам тунги вақт билан 01:00 да старт берилади.
30 январь, чоршанба куни Лондоннинг бошқа бир клуби «Челси» «Борнмут» жамоаси билан беллашади. Учрашув соат 00:45 да старт олади.
Муҳаммад Салоҳ етакчилигидаги «Ливерпуль» клуби «Лестер» билан баҳсга киришади.
Жароҳатлар гирдобида қолган Маурисио Почеттино бошқарувидаги «Тоттенҳэм» жамоаси ўз уйида «Уотфорд» билан жанг қилади. Ўйинлар тунги вақт билан соат 01:00 да бошланиши белгиланган.
23-тур баҳсларидан сўнг мусобақа жадвалидаги ҳолат:
АПЛ
24-тур баҳслари
29 январь, сешанба
«Арсенал»—«Кардифф» 00:45
«Фулҳэм»—«Бёртон» 00:45
«Ҳаддерсфилд»—«Эвертон» 00:45
«Вулверҳэмптон»—«Вест Ҳэм» 00:45
«Ньюкасл»—«Манчестер Сити» 01:00
«Манчестер Юнайтед»—«Бёрнли» 01:00
30 январь, чоршанба«Борнмут»—«Челси» 00:45
«Саутҳэмптон»—«Кристал Пэлас» 00:45
«Ливерпуль»—«Лестер» 01:00
«Тоттенҳэм»—«Уотфорд» 01:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)