27 январь, якшанба куни футбол бўйича Италия чемпионатининг 21-тури доирасида 6 та учрашув бўлиб ўтди.
Римнинг «Рома» клуби сафарда «Аталанта» билан жанг қилди.
Учрашувнинг 3 ва 33-дақиқаларида Эдин Жеко рақиб дарвозасини икки марта ишғол қилиб, дублга эришди (2:0). 40-дақиқага келиб, Стефан ал-Шааравий Николо Заниоло узатмасини голга айлатирди (3:0). Орадан 5 дақиқа ўтиб, «Аталанта» аъзоси Тимоти Кастан римликлар дарвозасига тўп киритиб, ҳисобни қисқартирди. Томонлар қисқа танаффусга йўл олди.
2-бўлимнинг 59-дақиқасида Рафаэль Toлoй жамоасининг 2-голига муаллифлик қилди. 70-дақиқада мезбон жамоа футболчиси Эстебан Сапата Бангуэра пенальтидан гол ура олмади, аммо ҳеч қанча вақт ўтмай, ҳужумчи хатосини тўғирлади ва ҳисобни тенглаштирди (3:3).
Шу тариқа Эусебио Ди Франческо шогирдлари «Аталанта» билан кечган ўйинда дурангга имзо кечди ва 1 очкога эга бўлди.
Мусобақа жадвалида 3-ўринда бораётган Лучано Спалетти бошлиқ «Интер» жамоаси Туриннинг «Торино» меҳмони бўлди ва кичик ҳисобда ютқазди (0:1).
Ўйиндаги ягона гол 34-дақиқада мезбон жамоа аъзоси Изцо томонидан киритилди.
Турнинг марказий ўйини Римдаги «Олимпико» стадионида бўлиб ўтди. Унда Массимилиано Аллегри бошқарувидаги «Ювентус» клуби Симоне Инзаги бошлиқ «Лацио» меҳмони бўлди.
Учрашувнинг 59-дақиқасида Турин клуби ярим ҳимоячиси Эмре Жан ўз дарвозасини ишғол қилиб қўйди. Иккинчи бўлимда Дуглас Коста ўрнига захирадан майдонга тушган Жуан Канселу 74-дақиқада «Лацио» дарвозасига гол уриб, ҳисобни тенглаштирди. Ўйиннинг асосий вақти якунланишига 2 дақиқа қолганда ҳакам римликлар дарвозаси томон пенальти белгилади. «Ювентус» тўпурари Криштиану Роналду 11 метрлик жарима зарбасидан дарвозани аниқ нишонга олди ва жамоасининг ғалбасини таъминлади.
Шу тариқа «Кекса синёра» навбатдаги 3 очкога эга бўлди.
А Серия
21-тур баҳслари
27 январь, якшанба
«Кьево»—«Фиорентина» 3:4
Голлар: 0:1 – 4 Муриэль, 0:2 – 26 Бенасси, 1:2 — 38 Стемпинский, 2:2 — 60 Пеллисер, 2:3 — 79 Кеза, 2:4 — 86 Кеза, 3:4 — 89 Жоржевич.«Болонья»—«Фросиноне» 0:4
Голлар: 0:1 – 18 Гиглионе, 0:2 — 21 Чиано, 0:3 — 52 Пинамонти, 0:4 — 75 Чиано.«Парма»—СПАЛ 2:3
Голлар: 1:0 — 11 Инглесе, 2:0 — 53 Инглесе, 2:1 — 70 Балоти, 2:2 — 75 Петаня, 2:3 — 87 Фарес.«Аталанта»—«Рома» 3:3
Голлар: 0:1 — 3 Жеко, 0:2 — 33 Жеко, 0:3 — 40 ал-Шааравий, 1:3 — 45 Кастан, 2:3 — 59 Toлoй, 3:3 — 71 Бангуэра.«Торино»—«Интер» 1:0
Гол: 1:0 — 35 Изцо.«Лацио»—«Ювентус» 1:2
Гол: 1:0 — 59, автогол, Эмре Жан, 1:1 — 74 Канселу, 1:2 — 88, пенальти, Роналду.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)