Каталониянинг «Барселона» клуби Франциянинг «Тулуза» жамоаси футболчиси Жан-Клер Тодибо трансферини эълон қилди. Бу ҳақда клубнинг Twitter’даги расмий саҳифасида хабар берилди.
19 ёшли Тодибо марказий ҳимоя, қанотларда ҳаракат қила олади. У шу йилнинг ёз ойида эркин агент сифатида «кўк-анор ранглилар» таркибига келиб қўшилади. Футболчи «Барселона» билан 4 йиллик шартномага имзо чекади.
Жорий мавсум Тодибо «Тулуза» сафида 10 учрашувда майдонга тушиб, 1 та гол уришга эришди.
Таъкидлаш жоиз, Тодибога Каталония клубидан ташқари «Реал», «Ювентус» ва «Манчестер Сити» каби жамоалар даъвогарлик қилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)