3 январь, пайшанба куни футбол бўйича Ла Лиганинг 17-тури доирасида сўнгги ўйин бўлиб ўтди. Унда «Реал Мадрид» «Вилларреал» меҳмони бўлди.
Учрашувнинг 4-дақиқасидаёқ майдон эгалари ҳисобни очди. Гол муаллифи — Санти Касорла. Орадан 3 дақиқа ўтар-ўтмас «Қироллик клуби» ҳужумчиси Карим Бензема Лукас Васкес узатмасини голга айлантириб, ҳисобни тенглаштирди. 20-дақиқага келиб Рафаэль Варан мадридликларни ҳисобда олдинга олиб чиқди.
Учрашувнинг 82-дақиқасида Санти Касорла Тибо Куртуа дарвозасига 2-голини киритди ва дублга эришди. Ўйин сўнгига қадар мазкур ҳисоб ўзгармади ва томонлар 1 очкодан бўлишиб олди.
Ла Лига
17-тур баҳслари
3 январь, пайшанба
«Вилларреал» – «Реал Мадрид» 1:2
Голлар: 1:0 – 4 Касорла, 1:1 – 7 Бензема, 1:2 – 20 Варан, 2:2 – 82 Касорла.«Вилларреал»: Асенҳо, Лайюн, Гонсалес Соберон, Руис, Коста, Фуэго (Тригерос, 82), Казерес (Токо Экамби, 63), Форналс, Касорла, Чуквуэзе, Морено (Бакка, 69).
«Реал Мадрид»: Куртуа, Карваҳал, Варан, Рамос, Марсело, Модрич (Вальверде, 64), Касемиро, Кроос (Ҳуниор, 86), Васкес, Бензема, Бэйл (Иско, 46).
Огоҳлантиришлар: Касемиро (41), Гонсалес Соберон (45), Рамос (89), Коста (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)