КХДР Давлат кенгаши раиси Ким Чен Ин АҚШ президенти Дональд Трамп билан учрашувини 2019 йилнинг мамлакат ташқи сиёсатидаги асосий устувор вазифалардан бири этиб белгилади, аммо шу билан бирга Қўшма Штатларни республиканинг сабр-тоқатини синамаслиги билан огоҳлантирди. Бу ҳақда «ТАСС» хабар берди.
Ким Чен Иннинг сўзларига кўра, Қўшма Штатлардан халқ республикасига белгиланган халқаро санкцияларини бекор қилиш учун жавоб қадамларини узоқ кутадиган бўлса, муқобил йўлни излашга мажбур бўлади. Шу билан бирга, сиёсатчи «исталган вақтда Трамп билан учрашиш»га тайёр эканини маълум қилди ва КХДРнинг мамлакатни тўлиқ денуклеаризация қилиш бўйича ваъдаларини амалга ошириш нияти қатъий эканлигини яна бир бор тасдиқлади.
2018 йилнинг 2 июль куни Сингапурда АҚШ ва КХДР ўртасидаги тарихий саммит бўлиб ўтди. Унинг натижасида Трамп ва Ким Чен Ин биргаликда баёнот қабул қилди, унда Пхеньян Корея ярим оролини бутунлай денуклеаризация қилишга тайёрлигини эълон қилди, АҚШ эса КХДРга жавобан хавфсизлик кафолатларини беришга ваъда берди. Бироқ, Сингапур саммитининг якуний баённомасида томонларнинг нияти аниқ кўрсатилмаган. Декабрь ойи охирида АҚШ президенти Ким Чен Ин билан янги учрашувни интизорлик билан кутаётганини маълум қилди.
Тинчлик зонаси
Шунингдек, КХДР раҳбари Корея ярим оролини тинчлик ҳудудига айлантириш мақсадида амалга оширилаётган Қўшма Штатлар ва Жанубий Кореянинг қўшма машқларни тўхтатишга чақирди. «Биз Корея ярим оролини тинчлик зонасига айлантиришга қарор қилдик», — дейди у. Ким Чен Ин, шунингдек, унинг мамлакати «ядро қуролидан фойдаланмайди», дея ишонтирди. Шу билан бирга у, Корея ярим оролида янги стратегик ҳарбий объектлар пайдо бўлмаслигини таъкидлади.Пхеньян бир неча бор АҚШ ва Жанубий Корея ҳарбийларининг қўшма машқларини танқид қилган ва уларни Корейс ярим оролидаги Пханмунжом ва Пхеньянги декларацияларининг бузилиши деб атаган.
Иқтисодиётни ривожлантириш тўғрисида
КХДР Давлат кенгаши раиси 2019 йилда иқтисодиётни ривожлантиришни мамлакатнинг устувор вазифаси эканлигини айтди.Ким Чен Ин 2019 йилда машинасозлик, энергетика ва қишлоқ хўжалигида маҳсулот ишлаб чиқаришни сезиларли даражада ошириш зарурлигини таъкидлади.КХДР раҳбари анъанага кўра республика иқтисодиёти ва ташқи сиёсатидаги мақсадларни белгилаб олиш учун Янги йилда мамлакат фуқароларига мурожаатини қўллайди.