29 декабрь, шанба куни футбол бўйича Италия А Сериясининг 19-тур баҳслари бўлиб ўтди.
Римнинг «Рома» клуби «Парма» майдонига сафар қилди ва рақиб дарвозасига жавобсиз 2 та тўп киритди. Барча голлар ўйиннинг 2-бўлимида урилди. 58-дақиқада Брайан Кристанте ҳисобни очган бўлса, 75-дақиқага келиб, Женгиз Ундер 2-голга муаллифлик қилди.
Миланнинг «Интер» клуби меҳмонда «Эмполи»га қарши майдонга тушди. Балде Кейтанинг 72-дақиқада киритган ягона голи эвазига миланликлар ғалабани илиб кетди.
Ушбу турда Карло Анчелотти бошқарувидаги «Наполи» жамоаси «Болонья» қабул қилди. Учрашувнинг 16-дақиқасида мезбон жамоа ҳужумчиси Аркадиуш Милик «Болонья» дарвозасини ишғол этди. 37-дақиқада эса меҳмонлар аъзоси Федерико Сантандер ҳисобни тенглаштирди. 2-бўлимнинг 51-дақиқасида Аркадиуш Милик дублга эришди. Ўйиннинг 80-дақиқасига келиб, Ларангейра Данило ҳисобни яна тенглаштирди. Учрашув якунланиши арафасида (88-дақиқа) Дрис Мертенс «Болония» дарвозасига ғалаба голини урди. Ҳисоб 3:2 кўринишида «Наполи» фойдасига якунланди.
Италия А Сериясининг 19-тур баҳсларидаги сўнгги ўйин «Милан» ва СПАЛ ўртасида бўлиб ўтди. Ушбу учрашувда миланликлар 2:1 ҳисобида ғалабага эришиб, 3 очкони қўлга киритди. СПАЛ футболчиси Андреа Петаня 13-дақиқада ҳисобни очган бўлса, орадан 3 дақиқа ўтиб Саму Кастилеҳо ҳисобни тенглаштирди (1:1).
2-бўлимнинг 64-дақиқасида «россонерилар» ҳужумчиси Гонсало Игуаин Алфред Гомис қўриқлаётган дарвозани ишғол этиб, учрашувга якуний нуқтани қўйди.
А Серия
19-тур баҳслари
29 декабрь, шанба
«Ювентус»—«Сампдория» 2:1
Голлар: 1:0 – 2 Роналду, 1:1 – 33 Куалярелла (пенальти), 2:1 – 65 Роналду (пенальти).«Кьево»—«Фросиноне» 1:0
Гол: 1:0 – 76 Жаккерини.«Удинезе»—«Кальяри» 2:0
Голлар: 1:0 – 39 Пуссетто, 2:0 – 57 Бехрами.«Сассуоло»—«Аталанта» 2:6
Голлар: 0:1 – 19 Сапата, 0:2 – 42 Гомес, 1:2 – 51 Данкан, 1:3 – 54 Манчини, 2:3 – 57 Данкан, 2:4 – 74 Иличич, 2:5 – 87 Иличич, 2:6 – 90 Иличич.«Лацио»—«Торино» 1:1
Голлар: 0:1 – 45, пенальти Белотти, 1:1 – 62 Милинкович-Савич.«Парма» – «Рома» 0:2
Голлар: 0:1 – 58 Кристанте, 0:2 – 75 Ундер.«Эмполи» – «Интер» 0:1
Гол: 0:1 – 72 Балде.«Наполи» – «Болонья» 3:2
Голлар: 1:0 – 16 Милик, 1:1 – 37 Сантандер, 2:1 – 51 Милик, 2:2 – 80 Данило, 3:2 – 88 Мертенс.«Милан» – СПАЛ 2:1
Голлар: 0:1 – 13 Петаня, 1:1 – 16 Кастильехо, 2:1 – 64 Игуаин.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)