29 декабрь, шанба куни «Ювентус» «Сампдория» устидан Криштиану Роналдунинг дубли эвазига ғалаба қозонди (2:1).
Футболчи Италия чемпионатида тўп сурган португалиялик ўйинчилар орасида рекордчига айланди. Роналдуга қадар ҳеч қайси футболчи А Серия доирасидаги баҳсларда 12 тадан кўп гол урмаганди.
Роналду 1988/89 йилги мавсумда «Ювентус» таркибида тўп сурган Руй Барруш рекордини янгилади. Унинг ҳисобида 12 та гол мавжуд эди.
Эслатиб ўтамиз, Роналду ушбу мавсумда «Ювентус» таркибида 19 та ўйинда майдонга тушиб, 14 та гол урди ва 6 та голли узатма берди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)