Янги йил арафасида «Ўзбеккино» миллий агентлиги «2 ойда 10 та премьера» лойиҳаси доирасида 2018 йилда Агентлик буюртмаси билан суратга олинган бадиий фильмларнинг оммавий ахборот воситалари ходимлари ва мутахассислар учун премьералари давом этмоқда. Бу ҳақда «Ўзбеккино» МА матбуот хизмати хабар бермоқда.
Ҳафталик доирасида, 24 декабрь куни Акбар Бектурдиевнинг «Тинчлик ортида» бадиий фильми, 25 декабрь куни Аҳмаджон Унарбоевнинг «Одамлар орасида» бадиий фильми, 26 декабрь куни Илҳом Мегеметибрагимовнинг «Парвоз» бадиий фильмлари намойиш этилди.
27 декабрь соат 16:00 да Абдувоҳид Ғаниевнинг «Элпарвар» бадиий фильми, 28 декабрь соат 18:00 да Нозим Аббосовнинг «Саид билан Саида» бадиий фильми, 29 декабрь соат 15:00 да Дониёр Шокировнинг «Шашмақом» бадиий-публицистик фильми намойиш этиш режалаштирилган
Тақдимотлар Алишер Навоий номидаги киносаройда бўлиб ўтади.
Изоҳ (0)