АҚШ ҳарбий-денгиз кучлари махфий операциялар учун «Титаник» қидирувини олиб борган. Бу ҳақда CBS News’га таяниб, «Газета.ru» хабар берди.
Хабар берилишича, океанограф Роберт Баллард америкалик ҳарбийлар билан излаш ишларида иштирок этган.
Таъкидланишича, қуролли кучлар Баллардга кемани излаш ишларини ташкил қилишда ёрдам берган. Бунинг эвазига олим АҚШнинг чўкиб кетган иккита сувости кемасини топиши керак бўлган.
Операция ўта махфийлик шароитида олиб борилган, чунки америкалик ҳарбийлар СССР сувости кемалари уларни пайқаб қолишидан хавфсираган.