Бугун, 6 декабрь куни АҚШда катта Жорж Буш дафн қилинади. Бу ҳақда «Вести» хабар бермоқда.
Марҳум ўзи туғилиб ўсган Техас штатига, рафиқаси Барбаранинг қабри ёнига қўйилади.
Бундан аввал, Жорж Бушнинг тобути Хьюстондан Вашингтонга олиб келинган ва Вашингтондаги Капитолийнинг марказий залига жойланганди.
Катта Жорж Буш билан видолашгани Дональд Трамп рафиқаси Мелания Трамп, ҳамда АҚШнинг аввалги тўрттала раҳбари ҳам келган. Бундан ташқари, бошқа йирик сиёсатчилар ҳам видолашув маросимига ташриф буюрган.
Бундан аввал, катта Жорж Буш Техасда, рафиқаси Барбаранинг ёнига дафн қилиниши ҳақида хабар берган эдик.
Изоҳ (0)