Россия федерация президенти Владимир Путин UFC чемпиони Ҳабиб Нурмагомедовни шахсан ўзи Конор Макгрегор устидан қозонилган ғалабаси билан табриклади. Бу ҳақда «РИА Новости» хабар берди.

Фото: Google Images

Путин спортчи ва унинг отаси билан «Россия — спорт мамлакати» форумидан сўнг юзма-юз ўтириб суҳбат қилган.

«Табриклайман сени»,—дея сўз очган Путин. Шундан сўнг президент Ҳабибнинг отасидан уни жангдан сўнг уюштирган жанжали учун қаттиқ жазоламасликни сўраган.

Маълумот учун, аввалроқ Абдулманноп Нурмагомедов ўғлини UFC’никидан ҳам оғир жазо кутаётганлигини маълум қилганди.