Тошкентга Алишер Усмоновни 65 ёши билан табриклаш учун миллиардерлар йиғилмоқда

Дунёнинг турли олигархларига қарашли шахсий ва тижорий авиажетлари «Тошкент» халқаро аэропортига келмоқда. Бу ҳақда «AviaSpotter» Telegram канали хабар берди.

Каналга кўра, миллиардер Алишер Усмоновнинг 9 сентябрда Тошкентда нишонланадиган туғилган куни муносабати билан боғлиқ бўлиши мумкин.

7 сентябрдан бошлаб Тошкентга турли русумдаги самолётлар чартер рейслар билан келган. Алишер Усмоновнинг «Bourkhan» авиалайнери ҳам шу куни Сочидан пойтахтга келган.

Пойтахтга нуфузли футбол клублари «Внуково» аэропортидан ЦСКА президенти Евгений Гинер , «GainJet Aviation»га қарашли Англиянинг «Манчестер Сити», «Тоттенхем», Португалиядан «Бенфика» клубларига хизмат кўрсатадиган «Boeing 737-23N» самолёти ҳам Ўзбекистонга етиб келди.

Россиялик бизнесмен, «Магнитогорск металлургия комбинати» директорлар кенгаши раиси, Виктор Рашниковнинг шахсий «Bombardier golfstream G650» самолёти ҳам 8 сентябрь куни Тошкентга қўнган.

Эслатиб ўтамиз, Ўзбекистон президенти Шавкат Мирзиёевнинг 29 августдаги фармони билан Россиянинг «USM Holding» акционерлик жамияти таъсисчиси Алишер Усмонов «Эл-юрт ҳурмати» ордени билан тақдирланган эди.

Владимир Путин Алишер Усмоновни туғилган куни билан табриклагани ҳақида хабар берган эдик.