АҚШ президенти Дональд Трамп Google компанияси ҳақида танқидий фикр билдирди, деб ёзади «Корреспондент.net».
У қидирув тизимида ўзи ҳақида фақат «ёлғончи ОАВ» янгиликларини топганлигини таъкидлади.
«Google’да Trump News сўрови бўйича қидирув натижалари ёлғончи ОАВнинг нуқтаи назари ва ҳодисаларни ёритишини акс эттиради. Бошқача айтганда, улар деярли барча ҳодисалар ва янгиликлар ёмон бўлиши учун уларни мен ва бошқалар учун сохталаштиради», — дея таъкидлади Дональд Трамп Twitter’даги постида.
Сиёсатчи, шунингдек, Trump News сўрови бўйича 96 фоиз сўл талқиндаги миллий нашрларнинг янгиликлари берилишини маълум қилди. АҚШ президентининг фикрича, бу жуда хавфли.
Трамп консерваторларнинг овозлари бостирилиши, яхши ахборот ва янгиликлар эса яширилишини тахмин қилди.
Изоҳ (0)