Америкалик миллиардер Уоррен Баффет ўзига тегишли Berkshire Hathaway инвестицион компанияси акциялари воситасида 3,4 миллиард доллар миқдорида бешта жамғармага хайрия қилди. Бу ҳақда компания хабарига таяниб, «РИА Новости» маълум қилди.
Баффет А синфидаги 11,9 мингта акциясини Б синфидаги 17,8 миллионта акцияга ўтказган ва жорий қиймати 3,4 миллиард доллар бўлган 17,7 мингта акцияни хайрия қилган.
Маблағларни қўлга киритган жамғармалар орасидан Билла ва Мелинда Гейтс жамғармаси, миллиардернинг рафиқаси Сюзан Томпсон Баффетнинг жамғармаси, унинг қизи Сюзан Баффет томонидан бошқарилаётган Шервуд жамғармаси, Говард Баффет жамғармаси ва миллиардернинг ўғлига тегишли НоВо жамғармаси ўрин олган.
Таъкидланишича, Баффет ҳеч қачон Беркшире акцияларини сотмаган. Бироқ у аллачақон маблағларни турли жамғармаларга хайрия қилган. Бугунги кунда миллиардер томонидан қилинган хайриянинг умумий миқдори 31 миллиард долларни ташкил қилади.
Таъкидланишича, Баффет Беркширеънинг ўзига тегишли барча акцияларини ҳар йиллик туҳфа йўли билан хайрияга йўналтиришни кўзламоқда.
Berkshire Hathaway иқтисодиётнинг суғурта ва молия, темирйўл транспорти, энергетика каби турли соҳаларида активларга эга бўлган холдинг компанияси ҳисобланади. 2018 йилнинг биринчи чораги якунига кўра, компания даромади 58,473 миллиард долларни ташкил қилган.
Изоҳ (0)