Қозоғистоннинг Туркистон вилоятида рўй берган ЙТҲда ўзбекистонлик йўловчилар ҳам жабр кўрган, дея UzNews хабар бермоқда.
Сариёғоч—Чимкент йўлида автомашина Sang Yong Istana микроавтобуси билан тўқнашиб кетган. Воқеа гувоҳларининг айтишича, енгил автомашина «учиб келиб» микроавтобус билан тўқнашган.
Хабар қилинишича, микроавтобуснинг 10 нафар йўловчисидан 4 нафари ўзбекистонлик бўлган.
ЙТҲ натижасида 10 киши жароҳатланган, улардан уч нафари ҳалокат жойида вафот этган.
ЙТҲда жабрланганларнинг барчаси Чимкентдаги шифохонага, хусусан, улардан уч нафари жонлантириш бўлимига ётқизилган.
Ўзбекистонлик йўловчиларнинг ўлими билан боғлиқ ҳозирча ҳеч қандай расмий маълумот йўқ.
Изоҳ (0)